चक्क कोरोनाबाधित रुग्णच शिरला आरोग्यमंत्र्यांच्या पत्रकार परिषदेत आणि मग…

🕒 1 min read

अमरावती : राज्यात कोरोनाची परिस्थिती बिकट होत आहे. याच पार्श्वभूमीवर आरोग्यमंत्री राजेश टोपे अनेक जिल्ह्यांचा दौरा करून तेथील परिस्थितीचा आढावा घेताना दिसत आहेत. मात्र, राजेश टोपे आज अमरावती दौऱ्यावर असताना एक धक्कदायक घटना घडली आहे.

राजेश टोपेंनी जिल्ह्यातील परिस्थितीचा आढावा घेतल्यानंतर जिल्हाधिकारी कार्यालयात पत्रकार परिषदेचे आयोजन करण्यात आले होते. ही पत्रकार परिषद सुरु होण्याआधी कोरोनाबाधित रुग्ण पत्रकार परिषदेत शिरला आणि एकच धांदल उडाली. ३५ वर्षीय कोरोना पॉझिटिव्ह रुग्ण आरोग्य मंत्र्यांच्याच पत्रकार परिषदेत शिरल्याने प्रशासनाचे पुरते नाके नऊ झाले होते.

काय होती या युवकाची मागणी?

अमरावती शहरातील या युवकाचा कोरोना अहवाल पॉझिटिव्ह आला होता. यानंतर त्याने जिल्हा रुग्णालय गाठले, मात्र त्याला रुग्णालयात दाखल न केल्याने दाद मागण्यासाठी थेट राजेश टोपेंची पत्रकार परिषदच गाठली. आरोग्यमंत्री राजेश टोपेंना भेटण्याचा त्याने आग्रह केल्याने प्रशासनाची तारांबळ उडाली. विनवणी करून देखील त्याने आपला आग्रह सुरूच ठेवला होता. अखेर पत्रकार परिषद संपल्यावर त्याला रुग्णवाहिकेतून कोव्हिड रुग्णालयात नेण्यात आले.

महत्वाच्या बातम्या :-

• मुंडे आणा नाहीतर आणखी कोणीही आणा मला फरक पडत नाही – देवेंद्र फडणवीस
• सरकार मराठा समाजातील मुला-मुलींच्या आयुष्याशी खेळतंय – विनायक मेटे
• शहीद जवान नरेश बडोले यांना शासकीय इतमामात अखेरचा निरोप
• कांद्याच्या निर्यात बंदीने पाकिस्तानचा आर्थिक फायदा; सामनातून मोदी सरकारवर सडकून टीका
• पैसासाठी अडवणूक करणार्‍या खासगी रुग्णालयांवर कारवाईचा बडगा, राजेश टोपेंची प्रतिक्रिया