अक्षय कुमारला ‘नमो टीव्ही’चा अँकर बनवा, ओवैसींचा घणाघात

टीम महाराष्ट्र देशा : अभिनेता अक्षय कुमारने पंतप्रधान नरेंद्र मोदींची मुलाखत घेतली होती. ही मुलाखत चांगलीच चर्चेचा विषय बनली होती. विरोधी पक्षातील अनेक बड्या नेत्यांनी या मुलाखतीवर चांगलच तोंडसुख घेतल आहे. यात आता एमआयएमचे अध्यक्ष असदुद्दीन ओवैसी यांची भर पडली आहे.

अभिनेता अक्षय कुमारला ‘नमो टीव्ही’चा अँकर बनवा, असं म्हणत एमआयएमचे अध्यक्ष असदुद्दीन ओवैसी यांनी जोरदार टीका केली आहे.
मोदींनी अभिनेत्याला मुलाखत दिली. मोदींच्या मते टीव्ही अँकर चागंली मुलाखत घेत नाहीत. यामुळे अभिनेता अक्षय कुमारला मुलाखत घेण्यासाठी बोलावलं, असा टोला त्यांनी लगावला.

मोदी डरपोक असून ते अमेरिकेला घाबरतात. अमेरिकेने भारताला इराणकडून पेट्रोल खरेदीसाठी मनाई केली. त्यावर मोदी म्हणतात ठीक आहे बॉस, याचा अर्थ मोदी अमेरिकेला घाबरतात अन् आम्हाला सांगतात घर मे घूस के मारेंगे, असा घणाघात त्यांनी केला.

दरम्यान, ओवैसी भिवंडीतील टावरे मैदान येथे वंचित बहुजन आघाडीचे उमेदवार डॉ. अरुन सावंत यांच्या प्रचारासाठी अयोजित सभेत बोलत होते.