नवी दिल्ली : 2022 मध्ये पंजाबमध्ये विधानसभा निवडणुका होत असून आत्तापासूनच प्रचारसभांनी राजकीय वातावरण तापू लागल्याचे दिसत आहे. पंजाबमध्ये प्रमुख विरोधी पक्षाच्या भूमिकेत असणाऱ्या आम आदमी पक्षाने प्रचाराचा धुळ उडवून दिली आहे. पंजाब काँग्रेसमध्ये आधीच सुरू असलेली सुंदोपसुंदी विरोधकांच्या पथ्यावरच पडली असून त्यामुळे विरोधकांच्या हाती आयतच कोलीत आल्याचं बोललं जात आहे. पंजाबचे मुख्यमंत्री चरणजीत सिंग चन्नी यांच्यावर देखील आपकडून सातत्याने टीका केली जात आहे.
मुक्तसर भागामध्ये एका प्रचारसभेत बोलताना दिल्लीचे मुख्यमंत्री अरविंद केजरीवाल यांनी चरणजीत सिंग चन्नी यांच्या एका विधानाची खिल्ली उडवत खोचक शब्दांत टोला लगावला आहे. काँग्रेसला वाटलं की कॅप्टन साहेबांकडून पराभूत होऊ, तेव्हा त्यांनी 3 महिन्यांपूर्वी चरणजीत सिंग चन्नी यांना मुख्यमंत्री बनवून टाकलं. चन्नीसाहेब देखील रोज नवनव्या घोषणा करत असतात. पण एक गोष्ट नक्की आहे. याहून मोठं नोटंकी सरकार भारतात आजपर्यंत पाहिलं नाही, असे अरविंद केजरीवाल यावेळी म्हणाले आहेत.
Channi Sarkar से बड़ी नौटंकी और ड्रामेबाज सरकार दुनिया में नहीं देखी।
दुनिया के इतिहास में पहला CM है जो Bathroom में भी लोगों से मिलता है।
– AAP National Convenor @ArvindKejriwal pic.twitter.com/iar1Iqfkp7
— AAP (@AamAadmiParty) December 16, 2021
काही दिवसांपूर्वी चरणजीत सिंग चन्नी यांची एक मुलाखत मी टीव्हीवर पाहात होतो. ते म्हणत होते मी तर 24 तास जनतेच्या भेटीगाठी घेत असतो. दिवसभर माझ्या घरी लोकं बसलेले असतात. ड्रॉइंग रुम, व्हरांड्यात लोकं बसलेले असतात. मी बाथरूममध्ये जातो तर तिथेही लोकं येत असतात. तिथेही मी लोकांना भेटत असतो. मला वाटतं जगाच्या इतिहासातले हे पहिलेच मुख्यमंत्री असतील, जे बाथरूममध्ये लोकांना भेटतात, असं म्हणत अरविंद केजरीवाल यानी चरणजीत सिंग चन्नी यांना खोचक टोला लगावला आहे.
महत्वाच्या बातम्या
- ‘राज्य सरकारनेच ओबींसीच्या राजकीय आरक्षणाचा खून केला’
- कार्यकर्ते जमिनीवर, राज ठाकरे खुर्चीवर बसले जेवायला?, मनसेने सांगितलं कारण
- एसटी कर्मचाऱ्यांवर कारवाई करण्याची ठाकरे सरकारची तयारी सुरु!
- ‘औरंगाबाद-वेरूळ’ महोत्सवाऐवजी आता होणार अजिंठा महोत्सव; कलाप्रेमींच्या उत्साहाला उधाण!
- ‘तो’ अधिकार राज्यपलांचाच; अजित पवारांनी सांगितला लोकशाहीचा धडा
