सडक्या मेंदूच्या शरजील उस्मानीला तातडीने अटक करा; पुण्यातील भाजप नेत्यांची पोलीस आयुक्तांकडे मागणी

🕒 1 min read

पुणे : एल्गार परिषदेत प्रक्षोभक भाषण केल्याप्रकरणी अलिगड मुस्लिम विद्यापीठाचा विद्यार्थी शरजिल उस्मानी विरोधात गुन्हा दाखल झाला आहे. पुण्यातील स्वारगेट पोलीस ठाण्यात प्रदीप गावडे यांनी दिलेल्या फिर्यादीवरून भादंवि कलम १५३ (अ) अन्वये गुन्हा दाखल करण्यात आला आहे.

या कार्यक्रमाला याआधीच अनेकांनी विरोध केला होता. मात्र, पुणे पोलिसांनी परवानगी दिल्यानंतर एल्गार परिषद ३० जानेवारीला पार पडली.शरजिल उस्मानी याने पुणे येथील एल्गार परिषदेत भाषणाची सुरुवात करतानाच, ‘आजचा हिंदू समाज सडला आहे. मी इथे एक अल्पसंख्याक तरुण म्हणून आलो असून युद्धाची सुरुवात करण्यासाठी आलो आहे,’ असे आक्षेपार्ह विधाने त्याने केली होती. याशिवाय हिंदू धर्मियांचा,भारतीय संघराज्याचा,न्यायपालिकेचा अवमान करणारी अनेक वक्तव्ये त्याने केली आहेत. देशभरातून या गोष्टीचा निषेध नोंदविला जात आहे.

दरम्यान, यावरून काल भाजपने आक्रमक भूमिका घेत अजूनही राज्य सरकार व पोलीस कारवाई का करत नाही, असा सवाल उपस्थित केला होता. आज हिंदू समाजाबद्दल वादग्रस्त व्यक्तव्य करणाऱ्या शरजील उस्मानी यांना तातडीने अटक करून कारवाई करावी या मागणीसाठी पुणे शहर भाजपच्या वतीने पुणे पोलीस आयुक्त अमिताभ गुप्ता यांना पुणे पोलीस कमिशनर ऑफिस येथे आज निवेदन देण्यात आले.

सडक्या मेंदूचा, अलिगढ मुस्लिम विद्यापीठाचा वादग्रस्त विद्यार्थी शरजील उस्मानी याच्यावर कलम १२४ (अ) कलमानुसार गुन्हा दाखल करुन अटक करावी आणि संयोजकांवर कारवाई करावी, या मागण्यांसाठी आज @BJP4PuneCity शिष्टमंडळाच्या वतीनं @CPPuneCity श्री. अमिताभ गुप्ता यांची भेट घेऊन निवेदन दिलं. pic.twitter.com/bMmK3d3u10

— Murlidhar Mohol (@mohol_murlidhar) February 3, 2021

यावेळी माहापौर मुरलीधर मोहळ, शहर अध्यक्ष जगदिश मुळीक,आ मुक्ता टिळक, भिमराव तापकीर, प्रदिप रावत, सिद्धार्थ शिरोळे आदी उपस्थित होते.यावेळी शरजिल वर तातडीने कारवाई करण्याची मागणी करण्यात आली.

महत्वाच्या बातम्या 

• ‘तिजोरीला खडखडाट फक्त जनतेसाठी; मंत्र्यांच्या अय्याशीसाठी पैशाची कमी नाही’
• डॉक्टरांवर हल्ला करणाऱ्यांची गय करणार नाही – पोलिस आयुक्त निखील गुप्ता
• अभिमानास्पद : नासाची दोर आता भारतीयाच्या हातात, भव्या लाल यांची कार्यकारी प्रमुखपदी नियुक्ती
• शेतकऱ्यांसमोर तर ब्रिटीशांनाही झुकावं लागलं होतं; गुलाम नबी आझाद यांचा हल्लाबोल
• नवीन आर्थिक वर्षासाठी २४२ कोटी रुपयांचा निधी मंजूर; १०० कोटींची अतिरीक्त मागणी