अबब! कुठलाही अलंकार, व्याकरण कमी पडतंय; भाजपच्या यशावर पंकजा मुंडेंची प्रतिक्रिया

🕒 1 min read

उत्तर प्रदेश : पाच राज्यातील विधानसभा निवडणुकांचे निकाल आज (१० मार्च) जाहीर होणार असून यामध्ये पंजाब, गोवा, उत्तरप्रदेश, उत्तराखंड आणि मणिपूर या पाच राज्यांचा समावेश आहे. तसेच संपूर्ण देशाचे या निकालांकडे लक्ष लागले असून सकाळी ८ वाजता या मतमोजणीला सुरुवात झाली आहे. दरम्यान, युपीत भाजपला बहुमत मिळाले असून कलांनुसार भाजप २७२ जागांनी आघाडीवर आहे. तर त्या खालोखाल सपाला ११८ जागा मिळाल्या आहेत. त्यामुळे युपीत पुन्हा एकदा भगव्याचंच राज्य येणार असल्याचे निकाल हाती येत आहे. दरम्यान, याच पार्श्वभूमीवर भाजप नेत्या पंकजा मुंडेंनी (Pankja Munde) आनंद व्यक्त केला आहे.

यासंदर्भात पंकजा मुंडेंनी ट्विट केले असून ट्विटमध्ये त्या म्हणाल्या आहेत की,‘अबब भाजप… कुठलाही अलंकार व्याकरण कमी पडत आहे… ‘काम आणि विकास ‘,’राष्ट्राभिमान’एवढा विषय महत्त्वाचा आहे लोकांसाठी हे सिद्ध झाले… अभिनंदन’, असे पंकजा मुंडे म्हणाल्या आहेत.

अबब भाजपा… कुठलाही अलंकार व्याकरण कमी पडत आहे… 'काम आणि विकास ','राष्ट्राभिमान'एवढा विषय महत्त्वाचा आहे लोकांच्या साठी हे सिद्ध झाले… अभिनंदन अभिनंदन..#BJPAgain

— Pankaja Gopinath Munde (@Pankajamunde) March 10, 2022

दरम्यान, भाजप नेते अतुल भातखळकर यांनी देखील यासंदर्भात ट्विट केले असून ते म्हणाले आहेत की,‘राजतिलक की करो तैयारी आ रहे हैं भगवाधारी’, असे भातखळकर म्हणाले आहेत.

महत्वाच्या बातम्या:

• निर्दयी रशियाचा हॉस्पिटलवर हल्ला; नवजात बालके दगावली

• UP Results 2022 : “आपली लढाई आत्ता…”, प्रियंका गांधींचे मोठे वक्तव्य

• ‘प्रस्थापितांना नाकारुन पंजाबने देशासमोर…’; मनसे नेते अमेय खोपकर यांचं वक्तव्य

• विकेटकिपरच्या ग्लब्जमध्ये अडकला चेंडू आणि…पहा व्हिडीओ

• ‘इस इंक़लाब के लिए…’; पंजाबमध्ये मिळालेल्या यशावर केजरीवालांची पहिली प्रतिक्रिया