चंद्रपूर : मनी लाँड्रिंग प्रकरणी राज्याचे माजी गृहमंत्री अनिल देशमुख यांच्या अडचणी वाढल्या आहेत. अनेकवेळा समन्स बजावूनही ते चौकशीसाठी ईडी कार्यालयात हजर झाले नव्हते. दरम्यान, गेल्या काही दिवसांपासून नॉट रिचेबल असलेले अनिल देशमुखआज सोमवारी ईडी कार्यालयात दाखल झाले. जबाब नोंदवण्यासाठी ते ईडी कार्यालयात दाखल झाले. मुंबईचे माजी पोलिस आयुक्त परमबीर सिंग यांनी अनिल देशमुखांवर १०० कोटी वसुलीचे आरोप केले होते. त्यानंतर अनिल देशमुखांना गृहमंत्रिपदाचा राजीनामा द्यावा लागला होता. तेव्हापासून केंद्रीय तपास यंत्रणा देशमुखांच्या मागे लागल्या आहेत.
दरम्यान, भाजप नेते सुधीर मुनगंटीवार यांनी देशमुख यांच्या ईडी समोर हजर होण्यावर काही दावे केलेत. संपत्तीवर टाच येणं, अटकपूर्व जामिनाच्या शक्यता संपल्या आणि सचिन वाझे महाराष्ट्र पोलिसांच्या ताब्यात येणं ही कारणे समजल्याने ते ईडीसमोर हजर झाले, असावेत अशी शक्यता मुनगंटीवार यांनी व्यक्त केली.
सचिन वाझे महाराष्ट्र पोलिसांच्या एसआयटीच्या ताब्यात आला आहे. आपण सांगू ते एसआयटी सचिन वाझेकडून वदवून घेतील आणि त्यामुळे मी आता ईडी समोर गेलो तर धोका नाही असं देशमुख यांना वाटलं असावं. तसेच मुखांच्या हे लक्षात आलं असावं की कोर्टातून आपल्याला अटकपूर्व जामीन मिळू शकत नाही त्यामुळं ते ईडीसमोर हजर झाले असावेत. शिवाय देशमुख यांच्या संपत्तीवर टाच येत असल्याचं लक्षात आल्यानं ते ईडीसमोर हजर झाले असा दावा मुनगंटीवार यांनी केला.
महत्त्वाच्या बातम्या
- ‘भारतात मुस्लीम नाही, कायम हिंदू व्होट बँक होती, आहे व राहील’, असदुद्दीन ओवैसींचे खळबळजनक वक्तव्य
- हॅलोविन लूकने’अप्सरा’ सोनालीने चाहत्यांना केले घायाळ..
- इंधन दरवाढीचे सत्र सुरूच! लवकरच पेट्रोल १२० रुपयांचा टप्पा गाठणार
- यहॉं तो पुरी सरकारही काँच से बनी है; पडळकरांचे राज्य सरकारवर ताशेरे
- ‘…त्यानंतर त्याने माझ्यावर आरोप केले’, अनिल देशमुखांनी केला खुलासा
बातम्यांसाठी YouTube चॅनेल Subscribe करा
Subscribe Now
