…अन् विश्वविक्रमी खेळीनंतर पांड्या बंधूंसाठी भावुक क्षण; कृणालला आनंदाश्रू झाले अनावर

🕒 1 min read

पुणे : पाच टी-२० सामन्यांच्या मालिकेनंतर आता भारत आणि इंग्लंडच्या क्रिकेट संघांमध्ये एकदिवसीय सामन्यांच्या मालिकेची सुरुवात झाली आहे. या मालिकेत होणारे तीनही सामने पुण्यातील एमसीए (गहुंजे) स्टेडियमवर खेळवले जात आहेत. दरम्यान, पहिल्या एकदिवसीय सामन्यातील भारतीय संघाची फलंदाजी संपली आहे.

भारत ३०० धावांचा टप्पा पार करेल कि नाही अशी शंका होती. मात्र, कृणाल पांड्या आणि के एल राहुल या जोडीने केलेल्या खेळीमुळे भारताला ३१७ धावांचा डोंगर इंग्लंडच्या संघासमोर रचता आला आहे. यात, कृणाल पांड्याने पदार्पणातील एकदिवसीय सामन्यात मोठ्या विश्वविक्रमाला गवसणी घातली आहे.

Century stand ✅
Half centuries for @klrahul11 & @krunalpandya24 ✅
300+ on the board ✅

Brilliant batting display from #TeamIndia as they post 317/5 in 50 overs. @Paytm #INDvENG pic.twitter.com/9iU3lmZQBz

— BCCI (@BCCI) March 23, 2021

कृणालने एकदिवसीय पदार्पणात वेगवान अर्धशतक झळकावण्याची कामगिरी केली आहे. कृणालने इंग्लंडच्या जॉन मॉरीस यांचा रेकॉर्ड ब्रेक केला आहे. मॉरीस यांनी 1990 मध्ये 35 चेंडूत अर्धशतक झळकावलं होतं. तर कृणालने 26 चेंडूत वेगवान अर्धशतक पूर्ण केलं. कृणालने एकूण 31 चेंडूत 7 चौकार आणि 2 षटकारांसह नाबाद 58 धावांची खेळी केली आहे.

This is all heart ????????

A teary moment for ODI debutant @krunalpandya24 post his brilliant quick-fire half-century????????@hardikpandya7 #TeamIndia #INDvENG @Paytm pic.twitter.com/w3x8pj18CD

— BCCI (@BCCI) March 23, 2021

दरम्यान, या खेळीनंतर हार्दिक पांड्या आणि कृणाल पांड्या यांच्यासाठी खूप मोठा भावुक क्षण होता. कारण, काहीच महिन्यांपूर्वी त्यांच्या वडिलांचे निधन झाले होते. या दुःखातून सावरून हे दोन्ही खेळाडू भारतीय संघासाठी चमकदार कामगिरी करत आहेत. पदार्पणात सामन्यातच विश्वविक्रमी खेळी केल्यानंतर कृणालला रडू कोसळलं आहे. बीसीसीआयने देखील हा भावुक व्हिडीओ शेअर केला आहे. यात, कृणाल आपल्या धाकट्या भावाच्या म्हणजेच हार्दिकच्या गळ्यात पडून रडताना दिसत आहे.

महत्वाच्या बातम्या

• डिजिटल माध्यम क्षेत्रात ‘महाराष्ट्र देशा’ची गरुडझेप…
• मोठी बातमी! जवानांनी भरलेली बस माओवाद्यांनी उडवली, तीन जवान शहीद
• होम आयसोलेशनमध्ये असलेल्या रुग्णांची फोनवरुन विचारपूस
• येलदरी @ ६९, परभणीसह तीन जिल्ह्याची तहान भागवणार
• मुख्यमंत्र्यांची ‘ती’ मागणी अखेर मान्य; उद्धव ठाकरेंनी मानले मोदींचे जाहीरपणे आभार