मुंबई : माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांच्या सुरक्षेत मोठी कपात करण्यात आली आहे. राज्य सरकारने नुकताच हा निर्णय घेतला आहे. फडणवीसांच्या सुरक्षा ताफ्यात देण्यात आलेली बुलेटप्रुफ गाडीसुद्धा काढून घेण्यात येणार आहे. दोन दिवसांपूर्वी झालेल्या बैठकीत ठाकरे सरकारने हा निर्णय घेतला आहे. विधान परिषदेतील विरोधी पक्षनेते प्रविण दरेकर, भाजपाचे आमदार प्रसाद लाड यांच्या सुरक्षेत कपात करण्याचा निर्णय घेतला आहे.
विशेष म्हणजे मुंबई पोलिसांनी फडणवीस यांच्या जिवाला धोका असल्याचा अहवाल यापूर्वीच दिला होता. त्यानंतरसुद्धा त्यांच्या सुरक्षेत कपात करण्यात आली आहे. देवेंद्र फडणवीसांसह त्यांच्या पत्नी व मुलीची देखील सुरक्षा कमी कारणात आल्याचे वृत्त ‘मटा’ने दिलं आहे.
फडणवीस यांच्या पत्नी अमृता फडणवीस आणि मुलगी दिवीजा फडणवीस यांच्या सुरक्षेत कपात करण्यात आली आहे. याआधी अमृता फडणवीस यांना वाय दर्जाची सुरक्षा पुरवण्यात आली होती. मात्र, आता त्यांना नवीन आदेशानुसार एक्स दर्जाची सुरक्षा देण्यात येणार आहे.
दरम्यान, ‘सुरक्षा द्यायची की नाही यासाठी एक पद्धत असते. आमच्या सरकारच्या काळात देखील आम्ही तीच पद्धत अवलंबत होतो. परंतु, या सरकारच्या काळात ज्यांना कोणताही धोका नाही त्यांना मोठ्या प्रमाणात सुरक्षा दिली जातेय, असं पाहायला मिळतंय. पण माझी यावर कोणतीही तक्रार नाही. सुरक्षा कमी केली म्हणून मी फिरणं थांबवणार नाही. त्यामुळे या निर्णयाचा माझ्यावर काहीही परिणाम होणार नाही’ असं देवेंद्र फडणवीस म्हणाले आहेत.
महत्वाच्या बातम्या
- सरकारमध्ये कधीही नवा घोटाळा बाहेर येईल,कॉंग्रेस नेत्याचे सोनिया गांधींना पत्र
- राज्य एकदम सुरक्षित आहे म्हणून सुरक्षा काढली; सुधीर मुनगंटीवार यांचा सरकारला टोला
- हात जोडून उभं राहण्याशिवाय माझ्याकडे कोणतेही शब्द नव्हते – उद्धव ठाकरे
- तुम्ही विकला गेला आहात…कंगनाने थेट ट्विट करून ट्विटरचे सीईओ जॅक डोर्सी यांनाच सुनावले
- 25 जानेवारी पर्यंत ‘पॉकेट्स वॉलेटद्वारे’ गॅस सिलेंडर बुक करा आणि मिळावा कॅशबॅक !
