चंद्रकांत पाटलांच्या वक्तव्यावर अमोल मिटकरींचा जोरदार टोला; म्हणाले,“आता धौती योग घेतल्याशिवाय पर्याय नाही”

🕒 1 min read

मुंबई : भाजप नेते चंद्रकांत पाटील (Chnadrakant Patil) यांनी आज (३ एप्रिल) कोल्हापूरमध्ये पत्रकार परिषदेत बोलत असताना महाराष्ट्र नवनिर्माण सेनेचे प्रमुख राज ठाकरे (Raj Thackeray) यांच्या कालच्या भाषणावर मत व्यक्त केले. तसेच राज ठाकरेंच्या भाषणातून बाळासाहेब ठाकरेंची आठवण झाली, असेही पाटील म्हणाले. दरम्यान, चंद्रकांत पाटलांच्या या वक्तव्यावर आता आमदार अमोल मिटकरी (Amol Mitkari) यांनी टीका केली आहे.

यासंदर्भात अमोल मिटकरी यांनी ट्विट केले असून ट्विटमध्ये ते म्हणाले आहेत की,‘चंद्रकांत पाटील म्हणतात राज बोलले बाळासाहेब आठवले. पण बाळासाहेबांचे पुत्र विधानसभेत गरजले तेंव्हाच तुम्हाला प्रबोधनकार व बाळासाहेब दोन्ही आठवले असतील. ज्यामुळे तुमची अवस्था “मळमळतय मी तळमळतय मी” अशी झाली असुन आता धौती योग घेतल्याशिवाय पर्याय नाही’, असे मिटकरी म्हणाले.

दरम्यान, ‘कोल्हापुरकरांना कॉंग्रेस-राष्ट्रवादी कॉंग्रेसने थेट पाइपलाइनद्वारे पाणीपुरवठ्याचे स्वप्न दाखवले. हे दाखवताना मंत्री हसन मुश्रीफ यांनी घोषणा केली होती की, पुढच्या दिवाळीला कोल्हापुरकरांची अंघोळ थेट पाइपलाइन द्वारे पुरवठा होणाऱ्या पाण्याने घालू. पण मुळात थेट पाईपलाईनचे पाणी पिण्यासाठी आहे, अंघोळीसाठी नाही,’ असा टोलाही पत्रकार परिषदेत बोलत असतांना चंद्रकांत पाटील यांनी लगावला होता.

महत्वाच्या बातम्या

• “…त्या पक्षात जातीवाद असूच शकत नाही”, राजे ठाकरेंच्या टीकेवर रुपाली पाटलांचे प्रत्युत्तर
• PAK vs AUS: बाबरचे रेकॉर्ड मेकिंग शतक; कोहलीही करू शकला नाही ‘अशी’ कामगिरी!
• “…व्वा रे रक्तपिपासू व्यापारी मोदी सरकार”, नाना पटोलेंचा हल्लाबोल
• “पाकिस्तानची संसद बरखास्त करा” – इम्रान खान यांची राष्ट्रपतींना शिफारस
• बाहुबली’ फेम राणा दग्गुबातीच्या चाहत्यांना आनंदाची बातमी! लवकरचं होणार बाबा