मुंबई: शिवसेना खासदार संजय राऊत यांची मुंबई आणि अलिबागमधील मालमत्ता ईडीने जप्त केली आहे. यात दादरमधील एक सदनिका आणि अलिबागमधील ८ भूखंडांचा समावेश आहे. गोरेगावमधील पत्राचाळ जमीन घोटाळा प्रकरणात प्रवीण राऊत यांना ईडीने अटक केली होती. त्यांच्या चौकशीत समोर आलेल्या माहितीच्याआधारे ईडीने संजय राऊत (Sanjay Raut) यांची संपत्ती जप्त केली आहे. यावरूनच मनसेचे अमेय खोपकर (Ameya Khopkar) यांनी ट्वीट करत राऊतांना डिवचले आहे.
“मशिदीच्या भोंग्यावर कारवाई करायला सांगितले होते ED ने थेट राष्ट्रवादीच्या भोंग्यावरच कारवाई केली.”, असा खोचक टोला मनसे नेते अमेय खोपकर यांनी ट्वीट करत लगावला आहे. भाजपकडून सतत संजय राऊत यांना शरद पवारांचे चमचे म्हणून डिवचले जाते. आता मनसेनेही थेट ‘राष्ट्रवादीचा भोंगा’ म्हणत अप्रत्यक्ष राऊतांवर निशाणा साधला आहे.
दरम्यान पत्राचाळ जमीन प्रकरणात १०३४ कोटी रुपयांचा घोटाळा झाला. यापैकी काही पैसे संजय राऊत यांना मिळाले होते. त्यातून संजय राऊत यांनी अलिबागमध्ये भूखंड खरेदी केल्याचा आरोप असून त्यांच्या पत्नी वर्षा राऊत आणि सुजीत पाटकर यांची पत्नी स्वप्ना पाटकर यांच्या नावाने या जमिनी खरेदी करण्यात आल्या होत्या. या भूखंडांची किंमत साधारण ६० लाखांच्या आसपास असल्याचे म्हटले जात आहे. तसेच स्थानिक लोकांना धमकावून हे भूखंड कमी पैशात खरेदी करण्यात आले, असाही आरोप ठेवण्यात आला आहे.
महत्वाच्या बातम्या:
“सलीमचा भोंगा बंद लवकरच जावेदचाही…”, मोहित कंबोज यांचा राऊतांवर निशाणा
“हर हर ईडी, घर घर ईडी”, सामनातून संजय राऊतांचा प्रहार
“मी डोलकर दर्याचा राजा…”, पुण्याच्या ट्रॅफिकमध्ये सचिन तेंडुलकरने धरला मराठी गाण्यावर ठेका
IPL 2022 RR vs RCB : दिनेश कार्तिकनं उठवला राजस्थानचा बाजार..! वानखेडेवर बंगळुरुचा विजय
“ये क्या हो गया? किधर जाऊ भाई में?” जेव्हा धोनीमुळं इशान किशन आला होता गोत्यात!
