मुंबई : बॉलिवूडमध्ये सध्या सर्वाधिक चर्चेत असलेली जोडी म्हणजे अभिनेता रणबीर कपूर आणि आलिया भट्ट. या लग्नाबाबत रणबीर किंवा आलियाकडून अद्याप कोणतीही माहिती देण्यात आली नाही. मात्र याच महिन्यात हे दोघं लग्नबंधनात अडकणार असल्याची जोरदार चर्चा सुरु आहे. गेल्या काही वर्षांपासून हे दोघं एकमेकांना डेट करत आहेत.
अभिनेत्री सोनम कपूरच्या लग्नात जेव्हा या दोघांनी फोटोग्राफर्ससमोर एकत्र हजेरी लावली, तेव्हापासून त्यांच्या अफेअरच्या चर्चांना सुरुवात झाली. आलियाच्या आधी रणबीरचं नाव काही अभिनेत्रींसोबत जोडलं गेलं होते .यामध्ये सोनम कपूर, दीपिका पदुकोण, कतरिना कैफ यांचा समावेश होता.
आलियाने एका मुलाखतीत रणबीरच्या भूतकाळातील अफेअर्सविषयी सांगितले. यावेळी तिने रणबीरसोबतच्या लग्नाबद्दलही भाष्य केलं. या मुलाखतीत आलिया म्हणाली, “रणबीर हा अत्यंत साधा व्यक्ती आहे. त्याच्याशी जुळवून घेणं कठीण नाही. एक अभिनेता म्हणून तो उत्तम आहे. तो माणूस म्हणूनही इतका चांगला आहे की कधी कधी मला वाटतं, मी सुद्धा त्याच्याइतकी चांगली व्यक्ती होण्याचा प्रयत्न करावा.
माझ्यापेक्षा अनेकपटीने तो उत्तम आहे. लग्नाबद्दल विचारत असाल तर सध्या मी त्या चर्चांमुळे खूप वैतागले आहे. रोज सकाळी उठून मला माझ्याच लग्नाविषयीच्या बातम्या ऐकायला, वाचायला मिळतात. रणबीरला या गोष्टीची सवय झाली आहे.” रणबीरच्या भूतकाळाविषयी बोलताना ती पुढे म्हणाली, “त्याने काय फरक पडतो? एखाद्या व्यक्तीचा तो भूतकाळ आहे आणि त्याचा विचार मी इतका करत नाही. मी तरी कुठे कमी आहे!”
महत्वाच्या बातम्या :
