जुन्नर : शिरोली बुद्रुक येथील अक्षय मोहन बोऱ्हाडे हा पुन्हा एकदा वादाच्या भोवऱ्यात अडकला आहे. समाजसेवा करणारा म्हणून सोशल मीडियामध्ये तरुणांच्यात क्रेझ असलेल्या अक्षय बोऱ्हाडे याला दोन दिवसांपूर्वी खंडणी मागून जीवे मारण्याची धमकी देण्याप्रकरणी पोलिसांनी अटक केली होती. आता बोऱ्हाडेच्या अडचणीत आणखी वाढ झाली आहे. कारण त्याची पत्नी रुपाली बोऱ्हाडे हीने अक्षयवर गंभीर आरोप केले आहेत.
अक्षय, सासू सविता बोऱ्हाडे, दीर अनिकेत बोऱ्हाडे यांनी आपला प्रचंड छळ केल्याचा आरोप रुपाली बोऱ्हाडे यांनी केला आहे. सासरच्यांनी हाताने आणि लाथाबुक्क्यांनी मारहाण केली. तसेच वेळोवेळी रिव्हॉल्वर आणि गुंडांचा धाक दाखवून शारीरिक आणि मानसिक त्रास दिला. कोणतेही काम न करता शिवऋण संस्थेतून आलेल्या निधीचा वापर स्वत:च्या चैनीसाठी केला. तसेच, अनेक मुलींसोबत अनैतिक संबंध ठेवला असे गंभीर आरोप रुपालीने केले आहेत.
रुपाली बोऱ्हाडे यांनी पती अक्षय आणि त्याच्या कुटुंबियांविरोधात जुन्नर पोलीस ठाण्यात तक्रार केली आहे. पोलिसांनी या प्रकरणाचं गांभीर्य लक्षात घेऊन कलम 498 (अ) , 420,406,324,323,504,506, 34 शस्त्र आधिनियम 25 (अ) अन्वये गुन्हे दाखल केले आहेत. विशेष म्हणजे, सोशल मीडियाद्वारे मैत्री झाल्यानंतर अक्षयने रुपालीला प्रपोज केले. त्यानंतर दोघांचा विवाह झाला असल्याची माहिती रुपालीने एका स्थानिक वृत्तवाहिनीला दिलेल्या मुलाखतीमध्ये दिली आहे.
यासोबतच, ‘तो छत्रपती शिवाजी महाराजांचे नाव घेऊन लोकांना फसवतोय. तो जे बोलतो त्याच्यावर विश्वास न ठेवता खरी सत्यता काय ते तपासावं. मी पोलिसात याबाबत तक्रार केलीय. माझ्यावर कुणाचाही दबाव नाही,’ असं स्पष्ट करताना त्याने शिवऋण संस्थेत आणलेल्या काही दिव्यांग व गरजू व्यक्तींसोबत देखील काही काळंबेरं केलं असल्याची शक्यता सांगितली आहे.
महत्त्वाच्या बातम्या
- पिंपरी-चिंचवड महापालिकेच्या धाडीवर अजित पवारांचं पहिल्यांदाच भाष्य; म्हणाले…
- ओबीसी आरक्षणाचा तिढा ‘या’ महिन्यापर्यंत संपणार; मंत्री वडेट्टीवार यांनी सांगितली डेडलाईन
- सरकारी संस्था विकायला काढल्याची टीका करत चिदंबरम यांचा मोदी सरकारवर निशाणा
- ‘बिंज बार’ खाद्यप्रेमींसाठी एक नवी पर्वणी; मन होईल तेव्हा भेळ आणि चिवड्याच्या पारंपारिक चवीचा घ्या आस्वाद !
- ‘पुन्हा सांगतोय, भाजपाशिवाय मुंबईत खासदार होऊन दाखवा’; चंद्रकांतदादांचे शिवसेना खासदाराला आव्हान
