मुंबई : भारतीय जनसंघाचे सहसंस्थापक पंडित दीनदयाळ उपाध्याय यांच्या जयंतीनिमित्त केलेलं ट्वीट राज्याचे उपमुख्यमंत्री आणि राष्ट्रवादी काँग्रेसचे नेते अजित पवार यांनी डिलीट केल्यानंतर राजकीय वर्तुळात चर्चांना उधान आले होते. मात्र आपण हे ट्विट का डिलीट केले याचा खुलासा खुद्द अजित पवारांना केला आहे. ‘समाजकारण, राजकारण करत असताना वरिष्ठांचं ऐकावं लागतं,’ अशी प्रतिक्रिया अजित पवार यांनी डिलीट केलेल्या ट्वीटबाबत दिली.
याविषयी विचारलं असता अजित पवार म्हणाले की, ‘ज्या व्यक्ती हयात नाहीत, त्यांच्याबाबत आपण चांगलं बोलतो ही आपली संस्कृती आहे, आपली परंपरा आहे. त्यानुसार मी हे ट्वीट केलं होतं. परंतु समाजकारण, राजकारण करत असताना वरिष्ठांचं ऐकावं लागतं, इतर गोष्टीही असतात.’ आता हे वरिष्ठ म्हणजे कोण हे नव्याने सांगायला नको तर अजित पवारांचे भाजप प्रेम त्यांना अजून देखील खटकत आहे हेच पुन्हा सिद्ध होत आहे.
अजित पवार यांनी आज सकाळी भारतीय जनसंघाचे सहसंस्थापक पंडित दीनदयाळ उपाध्याय यांच्या जयंतीनिमित्त अभिवादन करणारं ट्वीट केलं होतं. मात्र तासाभरातच अजित पवारांनी हे ट्वीट डिलीट केलं. त्यामुळे अजित पवारांनी दीनदयाळ यांना अभिवादन करणारं ट्वीट डिलीट का केलं? अशी चर्चा रंगली होती.
महत्वाच्या बातम्या
- सोयाबीन पिकविणाऱ्या बळीराजाला सरकारने द्यावी हेक्टरी २५ हजारांची मदत
- ‘पवारांनी विरोधासाठी विरोध करणे हे सामान्य शेतकऱ्याला पटलेले नाही’
- विदर्भातील या शहरात उभारण्यात आली पर्यावरण पूर्वक दहन व्यवस्था
- ‘…त्यावेळी पवारांनी अन्नत्याग केला असता तर मराठा समाजातील तरुणांना बरे वाटले असते’
- बुलडाण्यात उभारणार छत्रपतींचा पुतळा, एसटी महामंडळाची जागा देण्यास परिवहन मंत्र्यांचा होकार
