पुणे: राज्याचे गृहमंत्री दिलीप वळसे पाटील यांना कोरोनाची लागण झाली आहे. वळसे पाटील यांनी स्वत: ट्वीट करून ही माहिती दिली आहे. कोरोना सदृश्य लक्षणं दिसत असल्यानं मी माझी टेस्ट केली असून माझा करोना रिपोर्ट पॉझिटिव्ह आला आहे. प्रकृती स्थिर असून डॉक्टरांच्या सल्ल्यानुसार वैद्यकीय उपचार सुरू केले आहेत,’ असं त्यांनी म्हटलं आहे. तर आज त्यांचा वाढदिवस असून त्यांना अनेक राजकीय नेत्यांकडून शुभेच्छा दिल्या जात आहेत.
उपमुख्यमंत्री अजित पवार यांनी राष्ट्रवादी काँग्रेस पक्षाचे ज्येष्ठ नेते, राज्याचे गृहमंत्री, मंत्रिमंडळातील आमचे सहकारी दिलीप वळसे पाटील यांना वाढदिवसाच्या मनःपूर्वक शुभेच्छा! कोरोनावर मात करून आपण लवकरात लवकर सेवेत पुन्हा रुजू व्हाल, याची खात्री आहे. आपणांस उत्तम स्वास्थ्यासह दीर्घायुष्य लाभो, ही सदिच्छा! असे ट्वीट करत त्यांना शुभेच्छा दिल्या आहेत.
राष्ट्रवादी काँग्रेस पक्षाचे ज्येष्ठ नेते, राज्याचे गृहमंत्री,
मंत्रिमंडळातील आमचे सहकारी मा. @Dwalsepatil जी यांना वाढदिवसाच्या मनःपूर्वक शुभेच्छा! कोरोनावर मात करून आपण लवकरात लवकर सेवेत पुन्हा रुजू व्हाल, याची खात्री आहे. आपणांस उत्तम स्वास्थ्यासह दीर्घायुष्य लाभो, ही सदिच्छा!— Ajit Pawar (@AjitPawarSpeaks) October 30, 2021
दरम्यान कोरोनाची दुसरी लाट ओसरत असतानाच पुन्हा नव्याने रुग्णसंख्या वाढत आहे. राज्यातील सर्व व्यवहार हळूहळू खुले होत असतानाच, राज्य सरकारची चिंता वाढवणारी ही बातमी आता समोर येत आहे.
महत्त्वाच्या बातम्या
- विंडीजचे आव्हान कायम; बांगलादेशवर रोमहर्षक विजय
- बाळासाहेबांच्या विचारांची शिवसेना आजही आहे, इथं कोणावर अन्याय होणार नाही- संजय राऊत
- ‘होय मी भंगारवाल्याची मुलगी’, मलिकांच्या मुलीने ट्वीट करत दिले टीकाकारांना प्रत्युत्तर
- ज्याने इतरांना जेलमध्ये टाकलं त्याच्या मागे आता कोर्ट कचेऱ्या लागतील- छगन भुजबळ
- ‘शिवसेनेने विश्वासघात केल्यामुळे काँग्रेस पक्षाला राज्यात सत्तेची लॉटरी लागली’
