‘अजित दादा, आमचं ऐका, नाहीतर गडबड होईल’ राऊतांचा पवारांना मिश्किल सल्ला

🕒 1 min read

पुणे : मागील काही दिवसांपासून शिवसेना आणि महाविकास आघाडी सरकार यांच्यामधील आरोप-प्रत्यारोपाचा सामना चांगलाच रंगला आहे. याच पार्श्वभूमीवर शिवसेना खासदार संजय राऊत यांनी आज पुण्यातील भोसरी येथे शिवसेनेच्या एका कार्यक्रमात बोलताना उपमुख्यमंत्री अजित पवार यांना ‘अजित दादा, आमचं ऐका, नाहीतर गडबड होईल’ असा मिश्किल सल्ला दिला आहे.

यावेळी बोलतांना राऊत म्हणाले की,’पालकमंत्री आपले नाहीत. राज्यात जरी सत्ता असली, तरी या भागात आपलं कुणी ऐकत नाही असं म्हणतात. पण असं होता कामा नये. महाराष्ट्र राज्याचा मुख्यमंत्री शिवसेनेचा आहे. अजित पवार देखील उपमुख्यमंत्री आहेत. ते मुख्यमंत्र्यांचं ऐकतात. आपण त्यांना सांगू, दादा ऐकलं तर बरं होईल. नाहीतर मुख्यमंत्री दिल्लीला गेले आहेत’ असेही ते म्हणाले.

दरम्यान, सल्ला देताच लगेच पुढे ते म्हणाले की,’मुख्यमंत्री दिल्लीचा अंदाज घ्यायला गेले आहेत. कारण उद्या आम्हाला दिल्लीवर देखील राज्य करायचे आहे. साऊथ ब्लॉक, पंतप्रधान कुठे बसतात, गृहमंत्र्यांचं कार्यालय कुठे आहे, तिथे आपल्याला टप्प्याटप्प्याने पोहोचायचे आहे. या सगळ्याचा अंदाज घ्यायला मुख्यमंत्री दिल्लीत आहे. त्यामुळे अजित पवारांना आम्ही सांगू की आमच्या लोकांचंही ऐकत जा तुम्ही, आमच्या लोकांना नाराज करू नका, नाहीतर गडबड होईल’ असे राऊत म्हणाले.

महत्वाच्या बातम्या

• भाजपच्या मस्ती चढलेल्या आमदारावर गुन्हा दाखल करा, नाहीतर…; मनसेचा आक्रमक इशारा
• ओबीसींच्या हक्कासाठी लढणाऱ्यांना त्रास दिला जातोय – छगन भुजबळ
• देशात धर्माच्या नावावर दिली जाणारी अफूची गोळी सर्वांवर परिणाम करत आहे – छगन भुजबळ
• ‘..तर शिवसेनेच्या मंत्र्यांना उस्मानाबाद जिल्हा बंदी करणार’, भाजप आ.राणा पाटलांचा इशारा
• ‘अफगाणिस्तानच्या भूमीवर दहशतवाद नको, त्याचा फटका तुम्हालाही बसणार’, मोदींचा पाकिस्तानला इशारा