मुंबई: राज्यसभेच्या राज्यातील सहा जागांसाठी सात उमेदवारांमध्ये काल (१० जून) मतदान झाले. या मतदानानंतर भाजप आणि महाविकास आघाडी दोघांनीही काही प्रतिस्पर्धी आमदारांच्या मतांवर आक्षेप घेतले. अनेक राजकीय घडामोडी आणि चर्चांनंतर लागलेल्या निकालात शिवसेनेने सहाव्या जागेसाठी निश्चित केलेले कोल्हापूरचे संजय पवार पराभूत झाले तर भाजपचे धनंजय महाडिक विजयी झाले आहे. त्यामुळे भाजपचे तीन सदस्य तर शिवसेना, राष्ट्रवादी काँग्रेस आणि काँग्रेस यांचे प्रत्येकी एक सदस्य राज्यसभेवर निवडून गेले आहेत. यानंतर राष्ट्रवादीचे अध्यक्ष शरद पवार यांनी प्रतिक्रिया देत मोठे वक्तव्य केले.
भाजपचा अपक्षांची मोट बांधण्याचा प्रयत्न यशस्वी झाला. त्यामुळे चमत्कार झाला हे मान्य केलं पाहिजे. देवेंद्र फडणवीसांनी विविध मार्गाने माणसं आपलीशी करण्यात यश मिळवले. हे मान्य करावे लागेल. अशा शब्दांत शरद पवार यांनी फडणवीस यांचे कौतुक केले. तसेच मला धक्का बसेल असा मोठा निकाल हा नाही. मतांची संख्या बघता प्रत्येक उमेदवाराची राष्ट्रवादी, शिवसेना आणि काँग्रेसच्या कोटात काही फरक पडलेला नाही. फक्त एक मत प्रफुल्ल पटेल यांना ज्यादा पडलं. ते कुठून आलं ते मला ठावूक आहे. ते या आघाडीचं नाही. दुसऱ्या बाजूचे आहे. असे शरद पवार यांनी म्हटले आहे.
तसेच आमच्याकडे पुरेसा कोटा होता. त्यानुसार प्रत्येक उमदेवाराला मते मिळाली. सहाव्या जागेसाठी मोठा गॅप होता आणि आमच्याकडे मतांची संख्या कमी मात्र मुख्यमंत्री उद्धव ठाकरे यांनी रिस्क घेतली. राजकारणात रिस्क घ्यावीच लागते. तरीही सहाव्या उमेदवारांने चांगली मते घेतली. तसेच या निवडणुकीत अपक्षांची मते फुटली असल्याचेही शरद पवारांनी म्हटले आहे.
महत्वाच्या बातम्या:
- Rajya Sabha election results : “मला स्वतःला धक्का बसेल असा…”, शरद पवारांची पहिली प्रतिक्रिया
- मोठी बातमी! महसूल वाढीसाठी दारूच्या किमती होणार ४० टक्क्यांनी कमी
- Rajya Sabha elections : महाविकास आघाडीचे संजय पवार पराभूत; भाजपचा मोठा विजय
- IND vs SA 2022 : दक्षिण आफ्रिकेच्या ‘या’ फलंदाजाने मानले आयपीएलचे आभार; म्हणाला…!
- जसप्रीत बुमराहला आयसीसीने पाठवलं ‘हे’ खास गिफ्ट, सोशल मीडियावर शेअर केले फोटो; पाहा!
