कोल्हापूरकरांच्या संकटात भर ; राधानगरी धरणाचे चार दरवाजे उघडले

🕒 1 min read

कोल्हापूर : कोल्हापूर जिल्ह्यात आता पावसाचा जोर ओसरला आहे. काल दिवसभरात कोल्हापूर शहरात पावसाने हजेरी लावली नाही, त्यामुळे कोल्हापुरकरांची महापुरातून सुटका होणार आहे. पण अजूनही अनेक भागात पाणी शिरल्यामुळे जनजीवन विस्कळीत झालं आहे. कोल्हापूर जिल्ह्यातील 97 बंधारे अजूनही पाण्याखाली आहेत.

कोल्हापूर जिल्ह्यात मुसळधार पावसामुळे आज दुपारी राधानगरी धरण पूर्ण क्षमतेने भरले. त्यामुळे राधानगरी धरणाच्या सात स्वयंचलित दरवाजांपैकी चार उघडले आहेत. धरणातून 6 हजार 912 क्युसेक पाण्याचा विसर्ग सुरू झाला आहे. कोल्हापुरात आतापर्यंत झालेल्या पावसापैकी विक्रमी पाऊस शुक्रवारी झाला.

यात शुक्रवारी रात्री विक्रमी 56.3 फुटांवर असलेली राजाराम बंधार्‍याची पाणी पातळी शनिवारी रात्री 10 वाजता 53 फुटांवर आली. तर रविवारी दुपारी दोन वाजण्याच्या सुमारास 51 फुटांवर आली. त्यामुळे चिखली गावाला पुराचा वेढा असून, ‘एनडीआरएफ’च्या पथकांकडूनक येथील नागरिकांचे स्थलांतरित केले जात आहे. दरम्यान, कोल्हापूर जिल्हयात NDRFच्या 6 तुकडया दाखल झाल्या असून बचाव कार्याचे काम युध्द पातळीवर सुरू आहे. यावेळी भारतीय लष्कर दलाची 70 जवानांची एक तुकडी शिरोळ परिसरातील मदत कार्यासाठी दाखल झाली आहे.

#kolhapurflood
राधानगरी धरणाचे स्वयंचलित दरवाज क्र. 3,4,5,6 उघडले आहेत.
6912 क्युसेक प्रवाह सुरू@MahaDGIPR @aaanirudha @Info_Kolhapur @satejp @CMOMaharashtra @mrhasanmushrif @yadravkar @CollectorKolha1 pic.twitter.com/oV896a3EJ7

— DIVISIONAL INFORMATION OFFICE, KOLHAPUR (@InfoDivKolhapur) July 25, 2021

कोल्हापूर जिल्ह्यातील तब्बल 366 गावांना पुराचा फटका बसला असून यामध्ये आतापर्यंत 7 जणांचा मृत्यू झाला असल्याची माहिती मिळते आहे. दुसरीकडे या पुरामुळे जिल्हयातील महावितरणची 10 उपकेंद्रे पूर्णत: बंद झाली आहेत.

महत्त्वाच्या बातम्या

• राज कुंद्रा प्रकरणानंतर शेलारांनी लिहले केंद्रीय गृहमंत्र्यांना पत्र ; केली ‘हि’ मोठी मागणी
• जुनी पुस्तके शाळेने परत घेतली नवी दिलीच नाही, शिकवायचे कसे? शिक्षकांसमोर गहन प्रश्न!
• ‘कोकणसह पश्‍चिम महाराष्ट्राचा आढावा घेऊन आर्थिक मदतीबाबत घोषणा करणार’
• आपत्कालीन परिस्थिती उद्भवल्यास जारी केलेले दोन्ही क्रमांक बंद, औरंगाबाद पालिकेच्या अजब उपाययोजना!
• धक्कादायक! बेरोजगारीमुळे हिंगोलीत तरुणाची आत्महत्या