🕒 1 min read
मुंबई : सिटी बॅंक घोटाळ्याप्रकरणी शिवसेनेचे माजी खासदार आनंदराव अडसूळ आणि त्यांचे पुत्र अभिजीत अडसूळ यांना ईडीने समन्स पाठवले आहे. तर, अडसूळ यांना अटक करण्यासाठी ईडी पोहोचल्याचे वृत्त समोर येताच त्यांची तब्येत बिघडल्याचे देखील समोर आले. ईडीचे अधिकारी पोहोचताच आनंदराव अडसूळ यांना स्ट्रेचरवरुन बाहेर आणण्यात आलं आणि नंतर रुग्णवाहिकेतून रुग्णालयात नेण्यात आलं. यावरून विरोधकांनी आता टीकास्त्र सोडलं आहे.
दरम्यान, भाजप नेते किरीट सोमय्या यांनी देखील अडसूळ यांच्यासह ग्रामविकास मंत्री हसन मुश्रीफ यांना लक्ष्य केलं आहे. ‘ईडीने अडसूळ यांना अनेक समन्स पाठवले, पण ते जात नाहीत. अटक होताच आजारी पडले. आता हसन मुश्रीफ यांना तुरुंगात जाण्यापासून कुणीही थांबवू शकणार नाहीत. हसन मुश्रीफ यांना कुणीही वाचवू शकणार नाही,’ असा दावा सोमय्या यांनी केला आहे.
पुढे सोमय्या म्हणाले,’सिटी को-ऑपरेटिव्ह बँकेचे कोट्यवधी रुपये अडकले आहेत. त्याबाबत अडसूळ आणि उद्धव ठाकरे कुणीच उत्तर देत नाही. अडसूळ पिता-पूत्र यांनी कोट्यवधी रुपये खासगी खात्यात वळवले. बाप-बेटे मजा मारत आहेत. कर्नाळा बँक प्रकरणातही कोणतीच कारवाई झाली नाही. शेवटी ईडीला कारवाई करावी लागली. त्याचं मी स्वागत करतो.’
महत्त्वाच्या बातम्या
- भरतीत घोटाळ्याच्या प्रकाश शेंडगेंच्या आरोपात 100 टक्के तथ्य- प्रविण दरेकर
- संयुक्त किसान मोर्चासह इतर पक्ष संघटनांच्या वतीने नगर येथे रास्ता रोको
- पश्चिम महाराष्ट्रात नव तंत्रज्ञानाच्या उपयोगातून रस्त्यांचे जाळे निर्माण करणार – नितीन गडकरी
- ‘अधिकाऱ्यांनी न्यायालयाच्या अवमानाची…’, मुख्यमंत्री बिप्लब कुमार देब यांचे खळबळजनक वक्तव्य
- ‘बुद्धीचा वापर कर…’ तृप्ती देसाई शिवलीलावर भडकल्या
