हिंगोली: जिल्ह्यात कोरोनाचा प्रादुर्भाव वाढत असल्यामुळे कळमनुरी पोलिसांनी सर्व व्यापाऱ्यांना कोरोनासंदर्भातील आरटीपीसीआर तपासणी करूनच दुकाने उघडण्याच्या सूचना दिल्या होत्या. मंगळवारी पोलीस प्रशासन व नगरपालिका प्रशासनाने संयुक्त कारवाई करीत आरटीपीसीआर तपासणी न करणाऱ्या १३ दुकानदारांवर दंडात्मक कारवाई करीत ७ हजार १०० रुपयांचा दंड वसूल केला.
कळमनुरी शहरासह तालुक्यात कोरोनाने चांगलेच थैमान घातल्यानंतर कोरोनाचा प्रादुर्भाव रोखण्यासाठी उपाययोजना करण्यात येत आहेत. त्याचाच भाग म्हणून कळमनुरीचे पोलीस निरीक्षक रंजित भोईटे यांनी सोमवारी सर्व व्यापाऱ्यांना आरटीपीसीआर तपासणी करणे अनिवार्य राहील, अशा सूचना केल्या होत्या. याचबरोबर ज्या दुकानदारांची आरटीपीसीआर तपासणी निगेटिव्ह आली, अशा दुकानदारांना दुकाने उघडण्याच्या सूचनाही दिल्या होत्या.
त्या अनुषंगाने मंगळवारी पोलीस प्रशासन व नगरपालिका प्रशासनाने संयुक्त कारवाई करीत आरटीपीसीआर तपासणी न करणाऱ्या १३ दुकानदारांवर दंडात्मक कारवाई करीत ७ हजार १०० रुपयांचा दंड वसूल केला. तसेच शहरात विनाकारण फिरणाऱ्या १८ नागरिकांची कोरोना ॲन्टीजन रॅपिड टेस्ट करण्यात आली. यात २ नागरिक कोरोना बाधीत आढळल्याने त्यांना उपचारासाठी कोरोना सेंटरमध्ये पाठविण्यात आले. तसेच विनामास्क फिरणाऱ्या ३ जणांविरुद्ध दंडात्मक कारवाई करण्यात आली.
महत्वाच्या बातम्या
- कोहली विजयाचा ‘चौकार’ मारण्यासाठी तयार, संजू सॅमसन थांबवू शकणार?
- राज्य केंद्रापुढे हतबल; हात जोइून विनंती करतो, आता तरी मदत करा – राजेश टोपे
- आम्ही पाया पडायला तयार पण केंद्राने राज्याला अधिक ऑक्सिजनचा पुरवठा करावा – राजेश टोपे
- सीताराम येचुरींना पुत्रशोक; कोरोनाने अवघ्या ३४ व्या वर्षी झालं निधन
- मनोरंजन थांबलं नाही ; आता महाराष्ट्रा बाहेर होणार मराठी मालिकांचे चित्रीकरण
बातम्यांसाठी YouTube चॅनेल Subscribe करा
Subscribe Now
