मुंबई : बॉलीवूड अभिनेता आमिर खान आणि त्याची पत्नी किरण राव या दोघांनी घटस्फोटाची घोषणा केल्यानंतर २४ तासाच्या आत आमिर खान आणि किरण राव हे दोघे पुन्हा एकत्र पाहायला मिळाले होते. हे दोघेजण लाल सिंह चड्ढा सिनेमाच्या शूटिंगसाठी एकत्र आले होते. ‘लाल सिंह चड्ढा’ या चित्रीकरसाठी दोघेजण लडाखमधील वाखा गावात होते. त्यानंतर गावकऱ्यांनी आमिर खान आणि त्याच्या संपूर्ण टीमवर सडकून टीका केली होती.
या चित्रपटाच्या चित्रीकरणा दरम्यान आमिरच्या टीमने तिथे खूप कचरा पसरवला असल्याचा आरोप तेथील स्थानिकांनी केला. आणि त्याचा एक व्हिडीओ त्यांनी सोशल मीडियावर देखील शेअर केला आहे. या व्हिडओमध्ये वाखा गावात खूप कचरा झालेला दिसत आहे. अशी घटना पहिल्यांदा घडली नसून याआधी देखील बॉलीवूडमधील कलाकार चित्रीकरणासाठी जिथे जातात तिथे असाच कचरा करतात त्याचे अनेक व्हिडीओ सोशल मीडियावर देखील शेअर केले जातात. या आरोपानंतर प्रोडक्शन हाऊसने अधिकृत सोशल मीडिया हॅन्डल वरून आपली प्रतिक्रिया दिली आहे.
यादरम्यान सोशल मीडियावर एक पोस्ट शेअर करत लिहिले की, ‘AKP (Aamir Khan Production) स्पष्ट करत आहे की, एका कंपनीच्या रुपात आम्ही शुटींगच्या स्थानांना स्वच्छ ठेवण्याचा प्रोटोकॉल पाळतो . आमच्याकडे एक टीम आहे जी ठरवते की शुटींगच्या जागेला कचरा रहीत कसं करायचं. प्रत्येक दिवशी, दिवसाच्या शेवटी संपूर्ण जागेची तपासणी केली जाते.’
— Aamir Khan Productions (@AKPPL_Official) July 13, 2021
पुढे त्यांनी म्हटलं की, ‘संपूर्ण शेड्युलच्या शेवटी आम्ही ठरतो की, जेव्हा आम्ही एखाद स्थान सोडतो ते तितकचं स्वच्छ असलं पाहीजे, जितकं स्वच्छ ते आपल्याला मिळालं होतं. आमच्या शुटींगच्या जागेवर स्वच्छता न ठेवल्याचे आरोप आमच्यावर लावले जात आहेत, आम्ही या गोष्टीचं पूर्णपणे खंडन करत आहोत. आमच्या शुटींगचं मैदान खुलं आहे. आता अधिकारीही याठिकाणी येऊन चौकशी करू शकतात.’ असे म्हणत आपल्यावरील आरोपांवर त्यांनी स्पष्टीकरण दिले आहे.
महत्वाच्या बातम्या
- मुंबई विमानतळ अखेर अदानी समूहाच्या ताब्यात, गौतम अदानी म्हणाले…
- स्वबळाचे नारा देणाऱ्या काँग्रेसला पवारांनी फटकारले, कॉंग्रेस नेत्यांना दिला ‘हा’ सूचनावजा इशारा
- आयीसीसीच्या आक्षेपामुळे ख्रिस गेलने केला बॅटमध्ये ‘हा’ बदल
- नानांच्या बोलण्याने दोन दिवस राजकारणात गरमी आली, पण काँग्रेस कार्यकर्त्यांत उर्मी आली काय?
- संजय नार्वेकरांचे छोट्या पडद्यावर ‘या’ कार्यक्रमाद्वारे पुनरागमन
