टीम महाराष्ट्र देशा : विधानसभा निवडणुकीचा रणसंग्राम आता सुरू झाला आहे. त्यामुळे प्रत्येक राजकीय पक्ष आता जोरदार तयारीला लागलं आहे. तर निवडणुकीच्या पार्श्वभूमीवर भारतीय जनता पक्षाच्या वतीने सुरू असलेली महाजनादेश यात्रा पुण्यात येत असून त्याच्या नियोजन व तयारीसाठी भाजपाचे सहयोगी सदस्य व राज्यसभा खासदार संजय काकडे चांगलेच सक्रिय झालेले दिसत आहेत. पुणे शहर भाजपाच्या वतीने आयोजित महत्वपूर्ण बैठकीत खासदार काकडे यांनी जबाबदारी घेत महाजनादेश यात्रेच्या नियोजनात कोणतीही कमतरता राहणार नाही याची दक्षता घेतली.
लोकसभा निवडणुकीत खरेतर संजय काकडे पुण्यातून इच्छुक होते. परंतु, मुख्यमंत्री देवेंद्र फडणवीस यांच्या शब्दानंतर त्यांनी आपली तलवार म्यान केली. त्यानंतर राजकीय दृष्ट्या खासदार काकडे शांत होते. मुख्यमंत्री फडणवीस स्वतःच आपल्याबद्दल निर्णय घेतील व तो मान्य करून मी पक्षाचे काम करेल असं अनेकदा खासदार काकडे यांनी सांगितले आहे. परवा मुख्यमंत्री फडणवीस पुण्यात मानाच्या गणपतींचे दर्शन घेण्यासाठी आले होते. मुख्यमंत्र्यांच्या या दौऱ्यात लोहगाव विमानतळापासून ते शेवटपर्यंत खासदार संजय काकडे मुख्यमंत्री फडणवीसांसोबत त्यांच्या गाडीतच होते. मुख्यमंत्री फडणवीस यांनी खासदार काकडे यांच्या घरी जाऊन गणपतीची आरती केली.
महाजनादेश यात्रेच्या नियोजनानिमित्त पुणे शहर भाजपाच्या वतीने आयोजित महत्वपूर्ण बैठकीलाही खासदार गिरीश बापट गैरहजर होते. यावेळी खासदार संजय काकडे यांनी या बैठकीची सूत्रे हाती घेत मुख्यमंत्री फडणवीस यांच्या नेतृत्वाखाली येत असलेल्या महाजनादेश यात्रेच्या स्वागताची जय्यत तयारी करण्यासंदर्भात आपले मनोगत व्यक्त केले. यावेळी पक्षाचे सर्व आमदार व पदाधिकारी उपस्थित होते.
- रेल्वे स्टेशनवर इथून पुढे कुल्लडमध्ये मिळणार चहा, नितीन गडकरींची घोषणा
- ‘माझी लढाई व्यक्ती विरूध्द नव्हे तर परळीच्या माणसांच्या भल्यासाठी’
- कॉंग्रेस सोबत युती करणार नाही, एमआयएमसोबत युतीसाठी शेवटपर्यंत वाट पाहाणार’
- चांद्रयान 2 : ‘विक्रम’ लँडर हे सुस्थितीत, संपर्क जोडण्यासाठी युद्धपातळीवर प्रयत्न सुरु – इस्रो
बातम्यांसाठी YouTube चॅनेल Subscribe करा
Subscribe Now
