🕒 1 min read
नंदुरबार : नंदुरबार जिल्हा परिषदेच्या पोटनिवडणुकीत महाविकास आघाडीने भाजपाचा पराभव करत दणदणीत विजय मिळविला होता. ११ सदस्यांसाठी झालेल्या पोटनिवडणुकीत भाजपाला ४ तर महाविकास आघाडीला ७ जागा मिळाल्या आहेत. आता सभापती पदासाठी महाविकास आघाडीतील काँग्रेस, राष्ट्रवादी काँग्रेस आणि शिवसेना या तीनही पक्षांनी दावा केला आहे. त्यामुळे २५ ऑक्टोबर रोजी होणाऱ्या निवडीकडे सर्वांचे लक्ष लागले आहे.
जिल्हा परिषदेतील ओबीसी आरक्षण रद्द झाल्यानंतर नंदुरबार जिल्हा परिषदेतील एकूण ११ जागा रिक्त झाल्या होत्या. त्याची नुकतीच पोटनिवडणूक झाली आहे. या निवडणुकीचा महाविकास आघाडीला मोठा फायदा झाला. काँग्रेस, आणि शिवसेनेला प्रत्येकी एक जागा वाढून मिळाली आहे. त्यामुळे काँग्रेस, राष्ट्रवादी काँग्रेस व शिवसेना या तीनही पक्षांचे पदाधिकारी सभापती आमचाच असे म्हणत गुडघ्याला बाशिंग बांधले आहे.
येत्या २५ ऑक्टोंबर रोजी उपाध्यक्ष आणि दोन सभापती पदासाठी निवडणूक प्रक्रिया घेण्यात येणार आहे. त्यात शिवसेनेला उपाध्यक्ष आणि काँग्रेस, राष्ट्रवादी काँग्रेसला सभापती पद मिळणार असल्याचे संकेत आहेत. त्यामुळे नेमकं सभापती पद कुणाकडे आणि उपाध्यक्ष पद कुणाकडे हे २५ ऑक्टोबर रोजीच स्पष्ट होणार आहे. मात्र आघाडी सरकारमधील तीनही पक्षाचे कार्यकर्ते हे गणितं ठरविण्यात व्यस्त असल्याचे दिसून येत आहेत.
महत्वाच्या बातम्या
- आगामी महापालिका निवडणूकांसंदर्भात गडकरी आणि फडणवीस यांच्यात चर्चा
- ३७० कलम रद्द करुनही काश्मीरप्रश्न सुटलेला नाही- मोहन भागवत
- ‘कारवाई करणार असेल तरच यावं अन्यथा…’; उदयनराजेंचे ईडीला पुन्हा एकदा आव्हान
- कुणी ‘शेण खा’ म्हटलं तर तू खातोस का? शिवसेना आमदारांचा राष्ट्रवादीच्या आमदाराला खोचक सवाल
- मोदींची घोषणा! अयोध्येच्या तीर्थयात्रेसाठी भाजप सरकार ५० हजारांची आर्थिक मदत करणार
