🕒 1 min read
मुंबई : अँटिलिया स्फोटक कारप्रकरणात आता एक खळबळजनक माहिती समोर आली आहे. या प्रकणातील प्रमुख संशयित बडतर्फ पोलीस अधिकारी सचिन वाझे याने मोठा बनाव रचला होता. वाझेचा संपूर्ण कट उधळला गेला आहे. या प्रकरणामध्ये सचिन वाझे याने मुख्यमंत्र्यांचाही विश्वासघात केल्याचे उघड झाले आहे. या प्रकरणाची माहिती आता समोर येत आहे. वाझेने खोटारडेपणा अखेर उघडकीस आला आहे.
सचिन वाझेने अँटिलिया स्फोटक कार प्रकरणी मुख्यमंत्री उद्धव ठाकरेंची दिशाभूल केल्याचे उघड झाले आहे. एनआयएने न्यायालयात सादर केलेल्या आरोपपत्रामध्ये सहाय्यक पोलीस आयुक्तांचा जबाब आहे. ‘अँटिलिया कार प्रकरणात कोणताही दहशतवादी अँगल नाही, हिरेनचा मृत्यू ही आत्महत्याच आहे, हे मुख्यमंत्र्यांच्या बैठकीत वाझेने पटवून सांगितलं होतं. याचा तपास आपल्याकडेच सोपवावा अशीही त्याने मागणी केली होती’, असे आयुक्तांच्या जबाबात म्हटले आहे.
या प्रकरणी मुख्यमंत्र्यांसोबत 5 मार्चला बैठक झाली होती. त्या बैठकीत इतर अधिकारी ही हजर होते. त्यावेळी सचिन वाझे यांने मुख्यमंत्र्यांना माहिती दिली की, जी गाडी सापडली आहे, त्यात कोणताही दहशतवादी अँगल नाही. तसेच हिरेन याचा मृत्यू हा आत्महत्या आहे, हे पटवून सांगू लागला. तपास मीच करतो अशी ही विनंती वाझे याने केली. ही बैठक मुख्यमंत्री यांच्या वर्षा निवासस्थानी व्हीआयपीरूममध्ये पार पडल्याचे ही सहाय्यक पोलीस आयुक्तांच्या जबाबात म्हटले आहे.
महत्त्वाच्या बातम्या
- मनोहर भोसलेच्या अडचणी वाढल्या; बारामतीत जादूटोणा कायद्याअंतर्गत गुन्हा दाखल
- भाजपसोबत ‘डील’ केल्यानेच परमवीरसिंग NIA चे आरोपी नाहीत – राष्ट्रवादी
- एकनाथ खडसेंनी जमीन खरेदीत गैरव्यवहार केल्याचं स्पष्ट दिसतंय- ईडी
- ‘माझ्या बहिणीच्या पाठीशी मी सदैव आहेच!’, धनंजय मुंडेंचे सूचक वक्तव्य
- तालिबान सरकारसाठी चीनने केली ३१० लाख डॉलरच्या मदतीची घोषणा
