🕒 1 min read
महाराष्ट्र देशा डेस्क : आज आपण भारताच्या स्वातंत्र्याचे अमृत महोत्सवी वर्ष साजरे करत आहोत. १९४७ ला आपला भारत देश स्वतंत्र झाला. लाखो लोकांच्या प्राणांची आहुती दिली गेली. स्वातंत्र्यसैनिकांचे हाल करण्यात आले. अन्याय, अत्याचार झाले पण तरीही स्वातंत्र्य मिळवण्यासाठीची जिद्द कधीही कमी पडली नाही. असंख्य स्वातंत्र्यसैनिकांनी आपल्या जीवाचे रान करून या भारत मातेला इंग्रजांच्या जाचातून मुक्त केलं आणि भारत स्वतंत्र झाला. या स्वतंत्र भारताचे राष्ट्रगीत कानी पडताच आपण क्षणात उभे राहतो. स्वातंत्र्यसैनिकांप्रती आणि या मायभूमीप्रती आपले आभार व्यक्त करतो. आपल्या याच राष्ट्रगीताचे इंस्ट्रुमेंटल व्हर्जन नुकतेच रिलीज करण्यात आले आहे. जे ऐकून प्रत्येक भारतीयाच्या अंगावर शहारे आल्या शिवाय राहणार नाहीत.
राष्ट्रगीताच्या या इंस्ट्रुमेंटल व्हर्जनमध्ये आकर्षणाची गोष्ट आहे ती म्हणजे ढोल-ताशा. आपण अनेक वेळा बासरी किंवा पेटीवर वाजवलेले राष्ट्रगीत ऐकले असेल, पण ढोल ताशावर राष्ट्रगीत वाजवण्याचा हा बहुतेक पहिलाच प्रयत्न असेल. हि भन्नाट कल्पना ओंकार भस्मे यांची असून त्यांनीच याची निर्मितीही केली आहे. याचे संगीत संयोजन ओंकार सूर्यवंशी यांनी केले आहे. तर गणेश बोज्जी यांनी रिदम सुपरव्हिजन केले आहे. यात सर्वात महत्वाची भूमिका ती वादकांची होती. ओंकार सूर्यवंशी, गणेश बोज्जी, ओंकार घाडगे, संकेत सातपुते, शुभम नितनवरे, अजिंक्य गायकवाड यांनी या राष्ट्रगीताचे वादन केले आहे. तर प्रोग्रॅमिंग नवनीत जैन यांनी केले आहे. तसेच याचे व्हिज्युअल स्टुडिओ कोरीऐंडरचे ओंकार मरकळे यांनी केले आहे. राष्ट्रगीताचे हे इंस्ट्रुमेंटल व्हर्जन सोशल मीडियावर तुफान व्हायरल होत आहे.
महत्वाच्या बातम्या:
- Supriya Sule | सुप्रिया सुळे यांनी मानले पंतप्रधान नरेंद्र मोदी यांचे आभार! वाचा, नक्की काय आहे प्रकरण?
- Sameer Wankhede । क्लीन चिट मिळाल्यानंतर समीर वानखेडे आक्रमक, नवाब मलिकांच्या अडचणीत वाढ
- Abdul Sattar | शेतकरी आत्महत्या ही सर्वात दुर्दैवी बाब – अब्दुल सत्तार
- Santosh Bangar । पहा संतोष बांगर यांची ‘दबंग’ स्टाईल; हॉटेल मॅनेजरच्या कानशिलात लगावल्या
- Chhagan Bhujbal । मुख्यमंत्र्यांना विचारलं पाहिजे ‘जय महाराष्ट्र’ म्हणायचे की ‘वंदे मातरम’?; छगन भुजबळांचा टोला
बातम्यांसाठी YouTube चॅनेल Subscribe करा
Subscribe Now
