Congress | देशात लोकशाहीची हत्या, भाजपविरोधात राहुल गांधी आक्रमक! पोलिसांनी घेतले ताब्यात

🕒 1 min read

दिल्ली : महागाई आणि बेरोजगारीविरोधात काँग्रेसतर्फे शुक्रवारी देशव्यापी आंदोलन करण्यात येत आहे. देशभरातील काँग्रेस कार्यकर्ते काळ्या रंगाचे कपडे परिधान करून दिल्ली काँग्रेस मुख्यालयात पोहोचले. या निदर्शनात राहुल गांधी, प्रियांका गांधी आणि काँग्रेसचे सर्व खासदार आणि नेते सहभागी झाले आहेत. त्याचवेळी आंदोलन करताना राहुल गांधी, प्रियंका गांधी, शशी थरूर यांच्यासह इतर अनेक नेत्यांना दिल्ली पोलिसांनी ताब्यात घेतले आहे. प्रियंका गांधी यांना चक्क फरफटत नेण्यात आले.

आंदोलनात सहभागी होण्यापूर्वी पत्रकार परिषदेला संबोधित करताना राहुल गांधी म्हणाले, “आम्ही लोकशाहीचा मृत्यू पाहत आहोत. या हुकूमशाहीच्या विरोधात जो कोणी उभा राहत आहे, त्याच्यावर हल्ला केला जात आहे. तुरुंगात टाकले जात आहे, मारहाण केली जाते. समाजात महागाई, बेरोजगारी, हिंसाचार अशा अनेक समस्या आहेत. पण या सरकारचा ४-५ लोकांचे हित जपणे हा एकच अजेंडा आहे आणि देशात ही हुकूमशाही २ लोकांकडून २-३ मोठ्या उद्योगपतींच्या हितासाठी देश चालवत आहे.

राहुल गांधी पुढे म्हणाले, “प्रत्येकाला ते माहित आहे. माझे काम आरएसएसच्या कल्पनेला विरोध करणे आहे आणि मी ते करणार आहे. मी हे जितके जास्त करेन, तितकाच माझ्यावर हल्ला होईल. माझ्यावर जितका हल्ला होईल तितका मला आनंदच होईल, करा माझ्यावर हल्ला”

महाराष्ट्रातही आंदोलने सुरु
दिल्लीसह मुंबई आणि नागपुरातही काँग्रेस कार्यकर्ते आक्रमक झाल्याचं पाहायला मिळालं. मुंबई आणि नागपूरमध्येही पोलिसांनी काँग्रेस कार्यकर्त्यांची धरपकड सुरु केली. मुंबईत काँग्रेसचे प्रदेशाध्यक्ष नाना पटोले, नेते भाई जगताप यांच्यासह इतर कार्यकर्त्यांनाही पोलिसांनी फरफटत नेले आणि ताब्यात घेतले. या आंदोलनांचे पडसाद देशभर पडत असल्याचे पाहायला मिळत आहे.

महत्वाच्या बातम्या:

• Congress । राहुल-प्रियंका गांधी दिल्ली पोलिसांच्या ताब्यात; अक्षरश: फरफटत घेऊन गेले
• Thackeray vs Shinde | ग्रामपंचायत निवडणुकीत ठाकरे गटाला झटका ; बीड तालुक्यात शिंदे गटाने फडकवला झेंडा
• Rakhi sawant | राखी सावंतच्या बॉयफ्रेंडला बिश्नोई गँगकडून जीवे मारण्याची धमकी; पहा व्हायरल VIDEO
• Sunil Raut। उद्धव ठाकरेंना पुन्हा मुख्यमंत्री पदाच्या खुर्चीवर बसवणार; सुनील राऊतांचा दावा
• Sunil Raut । संजय राऊतांच्या भोंग्यामुळे एकनाथ शिंदेंना नगरविकास मंत्रिपद मिळालं – सुनील राऊत