“…त्यामुळे राज ठाकरे केवळ शरद पवारांवर बोलतात”, जयंत पाटलांचे मोठे वक्तव्य

🕒 1 min read

सांगली : महाराष्ट्र नवनीर्माण सेनेचे अध्यक्ष राज ठाकरे (Raj Thackeray) यांची काल (१ मे) औरंगाबद येथे सभा पार पडली. या सभेत राज ठाकरे यांनी शिवाजी महाराजांचा इतिहास, शरद पवार आणि राष्ट्रवादी काँग्रेसमुळे सुरू झालेला जातीय द्वेष, मशिदीवरील भोंगे आणि इतर काही मुद्द्यांवर भाष्य केले. दरम्यान, राज ठाकरेंच्या भाषणानंतर राजकीय वर्तुळात आता पुन्हा एकदा आरोप-प्रत्यारोपाला सुरुवात झाल्याचे चित्र बघायला मिळत आहे. याच पार्श्वभूमीवर राष्ट्रवादी काँग्रेसचे प्रदेशाध्यक्ष जयंत पाटील (Jayant Patil) यांनी काल झालेल्या सभेविषयी प्रतिक्रिया दिली आहे. तसेच राज ठाकरे शरद पवारांवर टीका का करतात यामागचे कारणही पाटलांनी सांगितले आहे.

यासंदर्भात प्रसार माध्यमांशी संवाद साधत असतांना जयंत पाटील म्हणाले की,‘आपण भाजपवर का बोलत नाही याचे उत्तर राज ठाकरे देऊ शकत नाहीत. कारण राज ठाकरेंवर ईडीचा किंवा अन्य कोणता तरी दबाव असल्याने आणि त्यांनी फक्त शरद पवारांच्यावर बोलायचे, बाकी काही बोलायचं नाही असे सांगितले गेल्याने राज ठाकरे केवळ शरद पवार यांच्यावर बोलतात’, असे पाटील म्हणाले.

दरम्यान, ‘शरद पवार यांना हिंदू या शब्दाचीच अ‍ॅलर्जी असून प्रत्येकवेळी भाषणात बोलताना शाहू, फुले आणि आंबेडकर यांचे नाव घेतात. महाराष्ट्र हा शाहू, फुले आणि आंबेडकरांचा आहेच. पण त्याआधी महाराष्ट्र हा शिवछत्रपतींचा आहे. शाहू, फुले आणि आंबेडकर हे शिवाजी महाराजांचाच विचार घेऊन पुढे गेले.’ तसेच शरद पवार शिवाजी महाराजांचे नाव कधी घेत नाहीत, हे मी सांगितल्यानंतर सगळे बोलायला लागले. राष्ट्रवादी काँग्रेसच्या सभेत शिवाजी महाराजांचा फोटो नसतो. आता मी बोलल्यानंतर राष्ट्रवादीच्या व्यासपीठावर छत्रपतींची प्रतिमा दिसायला लागली. मी जात मानत नाही. मला जातीशी देणेघेणे नाही. मी याठिकाणी ब्राह्मणांची बाजू घेण्यासाठी उभा नाही’, अशी टीका राज ठाकरे यांनी शरद पवारांवर केली आहे.

महत्वाच्या बातम्या: 

• “रामदास स्वामी कधी म्हणाले, ते शिवाजी महाराजांचे गुरु आहेत” – राज ठाकरे
• “राज ठाकरे यांच्या भाषणाची स्क्रिप्ट भाजपने…”, जयंत पाटलांचा गंभीर आरोप
• “हिंदु-मुस्लिम ही सद्भावना कायम ठेवणाऱ्या महाराष्ट्राला…”, अमोल मिटकरींचा अप्रत्यक्ष राज ठाकरेंवर निशाणा
• “…त्यांच्या भाषणात मला काहीच दम वाटला नाही”, जयंत पाटील यांची टीका
• “…तर दुसऱ्याला भाऊ मुख्यमंत्री झाल्याचं दुःख”, राज ठाकरेंच्या भाषणानंतर राष्ट्रवादीची प्रतिक्रिया