“…त्यामुळे काहीजण सरकार पाडण्याच्या गुढ्या मनातल्या मनात उभारतात”, मुख्यमंत्र्यांचे टीकास्त्र

🕒 1 min read

मुंबई : आज (२ एप्रिल) जीएसटी भवनाच्या इमारतीच्या भूमीपूजन सोहळ्याप्रसंगी बोलत असतांना मुख्यमंत्री उद्धव ठाकरे (Uddhav Thackeray) यांनी विरोधकांवर निशाणा साधत टीकास्त्रांचा वर्षाव केला. तसेच काहीजण सरकार पाडण्याच्या गुढ्या मनातल्या मनात उभारत आहेत, असेही ठाकरे यावेळी म्हणाले.

यावेळी बोलत असतांना मुख्यमंत्री ठाकरे म्हणाले की,‘आजचे भूमीपूजन हे फक्त नारळ फोडण्यासाठी नसून आजपासून प्रत्यक्ष काम सुरू करत आहोत. तसेच हे आपल्या कामाचे एक उदाहरण आहे जे सगळ्यांसमोर ठेवतोय. ते पाहिल्यानंतर आपल्यावरती रुसवा, फुगवा किंवा आपल्यामध्ये कटुता निर्माण व्हावी अशा काहीजण मनाच्या गुढ्या उभारतात. कारण त्यांना दुसरा उद्योग नाही, ते कामाच्या गुढ्या उभारू शकत नाहीत. मग सरकार पाडण्याच्या गुढ्या ते मनातल्या मनात उभारत असतात’, असे ठाकरे म्हणाले.

दरम्यान, या कार्यक्रमास उपमुख्यमंत्री अजित पवार, नगरविकास मंत्री एकनाथ शिंदे, वस्त्रोद्योग मंत्री अस्लम शेख, खासदार राहूल शेवाळे, विधान परिषद सदस्य आर. तमिल सेलवन, मुख्य सचिव मनुकुमार श्रीवास्तव, वित्त विभागाचे अपर मुख्य सचिव मनोज सौनिक आदी उपस्थित होते.

महत्वाच्या बातम्या

• “सरकारमध्ये रुसवे, फुगवे सुरू असल्याचे वातावरण…”, मुख्यमंत्री ठाकरेंचा विरोधकांवर हल्लाबोल
• ‘त्या’ ट्वीट वर संजय राऊतांचे स्प्ष्टीकरण; म्हणाले,”मी त्या दिवसापुरतं बोलायचं नाही…”
• “हे कमर्शियल आर्टिस्ट येतात अन्..” कुशल बद्रिकेने सांगितला सिद्धार्थ जाधवचा किस्सा
• “आम्हाला बोलवलं नाही तरी चालेल पण मेट्रो सुरु करा”- देवेंद्र फडणवीस
• आज मुख्यमंत्र्यांच्या हस्ते मुंबई मेट्रोचं उद्घाटन; फडणवीसांना निमंत्रण न दिल्याने लढाई..