“…मग आशिष शेलार आणि अतुल भातखळकरांना गुजरात पेंग्विन म्हणायचे का?”, किशोरी पेडणेकरांचा सवाल

🕒 1 min read

मुंबई: सध्या राणीच्या बागेतील पेंग्विनवरील खर्चावरून भाजपने महापालिकेला चांगलेच धारेवर धरले आहे. यावरूनच महापौर किशोरी पेडणेकर (Mayor Kishori Pednekar) यांनी आदित्य ठाकरेंना युवराज, पेंग्विन म्हणता, मला चित्रा वाघ यांनी पेंग्विनकर असे आडनाव दिले आहे. मग आशिष शेलार (Ashish Shelar) आणि अतुल भातखळकरांना (Atul Bhatkhalkar) गुजरात पेंग्विन म्हणायचे का? असा सवाल करत भाजपवर टीका केली आहे.

दरम्यान आता गुजरातमध्येही पेंग्विनचे आगमन झाले असून, महापौर किशोरी पेडणेकर यांनी अहमदाबादमधील पेंग्विन प्रकल्पाला भेट दिल्यानंतर पेंग्विनवर झालेला खर्च, त्या प्रकल्पाच्या खर्चाची माहिती घेतली. यावेळी त्यांनी निशाणा साधत आशिष शेलार आणि अतुल भातखळकरांना गुजरात पेंग्विन म्हणायचे का? असा सवाल केला.

तसेच अहमदाबाद येथील प्रकल्पाला भेट दिल्यानंतर त्यांनी म्हटले की,’या पार्कमध्ये एकूण पाच पेंग्विन असून सिमॉन, पुंबा, नेमो, मुशू आणि स्वेन अशी त्यांची नावे आहेत. ही सर्व नावे आफ्रिकन आहेत. तसेच गुजरातमध्ये प्रत्येक प्राणी पाहायला वेगवेगळे शुल्क आकारले जाते. मात्र मुंबईच्या राणीबागेत २५ ते ५० रुपये शुल्क घेऊन संपूर्ण राणीबागेत फिरता येते. सर्व प्राणी पाहता येतात. असच आम्ही इथे पैसे वाढवले तर लगेच गळा काढतील असा टोलाही किशोरी पेडणेकर यांनी लगावला आहे.

महत्वाच्या बातम्या:

• दीपिका पदुकोणचा मोठा खुलासा; म्हणाली,” मी आणि आलियाने केला पुरुषांच्या..”
• औरंगाबाद जिल्हा लसीकरणयुक्त होण्याच्या उंबरठ्यावर..!
• नितीन गडकरींनी केले पुत्रशोक आमदाराचे सात्वन; गडकरींसमोर ते ढसाढसा रडले
• “सर्वोच्च न्यायालयाच्या निर्णयाला आपली संमती नसल्याचे मुख्यमंत्र्यांनी २४ तासात स्पष्ट करावे अन्यथा…”
• अल्लू अर्जुन फेम ‘पुष्पा’च्या हिंदी रिमेकने गाठला १०० कोटींचा टप्पा