🕒 1 min read
सिंधुदुर्ग: राष्ट्रवादी काँग्रेसचे नेते तथा अल्पसंख्याक मंत्री नवाब मलिक हे एनसीबीच्या कारवाईवरून गंभीर आरोप करत आहेत. याच दरम्यान आता भाजप नेते नितेश राणे यांनी मलिक यांच्याविरोधात आरोपांची फैरी झाडल्या आहेत. ‘मलिक हे पाकिस्तानचे एजंट आहेत. पाकिस्तानचे जे ड्रग्ज माफिया आहेत. नवाब मलिक त्यांचे ब्रँड अॅम्बेसेडर आहेत’, असा गंभीर आरोप राणे यांनी केला आहे.
मराठी माणूस असलेले एनसीबीचे मुंबई विभागीय संचालक समीर वानखेडे यांना चिरडण्याची भाषा मलिक करत आहेत. तरीही शिवसेनेचे सगळे नेते गप्प असून आता शिवसेनेची मराठी अस्मिता गेली कुठे? असा सवालही राणे यांनी केला. सिंधुदुर्ग येथील प्रहार भवन येथे राणे यांनी पत्रकार परिषद घेत महाविकास आघाडी सरकारवर टीकची झोड उठवली आहे.
ते म्हणाले, नबाव मलिक हे पाकिस्तानचे ड्रग्ज माफिया आहेत. त्यांच्यामुळे भविष्यातील पिढी खराब होणार आहे. त्यामुळेच एनसीबीने ड्रग्ज माफियांविरोधात धडक मोहीम हाती घेतली आहे. पण नवाब मलिक हे एनसीबीला बदनाम करत आहेत. माफियांची हिंमत वाढविण्याचे काम करत आहेत. जावयाला अटक केली म्हणून ते एनसीबीवर टीका करत आहेत. काम करणाऱ्यांचे मनोबल खच्चीकरण होत आहे हे त्यांना कळत नाही, अशी टीका नितेश राणे यांनी केली.
नवाब मलिकांच्या घरी गांजा सापडला नव्हता तर डब्यात हर्बल सापडला होता असा दावा शरद पवार करत आहेत. आता या हर्बलबाबतची थोडी माहिती आमच्या कोकणातील शेतकऱ्यांनाही द्यावी. कारण, उद्या हर्बलचे पीक आले तर ते विकत घ्यायला नवाब मलिक आहेतच. तसेच मलिक यांचा जावई घरामध्ये दोनशे, तिनशे हर्बलचा स्टॉक करून ठेवतो. त्यामुळे कोकणातील शेतकऱ्यांनी उत्पादित केलेला हर्बलचा सगळा माल नवाब मलिक यांच्या जावयाने विकत घ्यावा अशी आमची मागणी आहे असा टोलाही त्यांनी लगावला.
महत्त्वाच्या बातम्या
- मुख्यमंत्री सावरकरवादीच, कोणी सूर्यावर थुंकण्याचा प्रयत्न केला तर…- संजय राऊत
- ‘कोरोनामुळे जीव गमावलेल्या ४.५३ लाख कुटुंबीयांना माफीनामा लिहून द्या’, ‘काँग्रेस’ची मागणी
- भारत-पाक सामन्यापूर्वी BCCI ने उचलले मोठे पाऊल, ‘या’ चार खेळाडूंना दिले मायदेशी परतण्याचे आदेश
- इम्तियाज जलील काहीही बोलतो, आम्ही या शहराचे ‘संभाजीनगर’ करणारच; चंद्रकांत खैरेंचा पलटवार
- …तर आम्ही या परिस्थितीत कामच करू शकत नाही- सरन्यायाधीश एन. व्ही. रमण
बातम्यांसाठी YouTube चॅनेल Subscribe करा
Subscribe Now
