भारत-पाकिस्तान हाय व्होल्टेज सामन्याआधी जाणून घ्या कोणता संघ आहे वरचढ 

🕒 1 min read

दुबई : टी 20 विश्वचषक 2021 मध्ये भारत आणि पाकिस्तान 24 ऑक्टोबर रोजी लढतील. क्रिकेट चाहते या हाय-व्होल्टेज सामन्याची आतुरतेने वाट पाहत आहेत. 2019 च्या एकदिवसीय विश्वचषकानंतर दोन्ही संघ एकमेकांविरुद्ध मैदानात उतरतील. दोन्ही देशांमधील राजकीय तणावामुळे एका दशकापासून द्विपक्षीय क्रिकेट मालिका झालेली नाही. भारत आणि पाकिस्तान केवळ आयसीसी स्पर्धांमध्ये एकमेकांसमोर आहेत. अशा स्थितीत जेव्हा जेव्हा दोन्ही संघांमध्ये टक्कर होते तेव्हा उत्साह शिगेला पोहोचतो. जाणून घेऊ भारत विरुद्ध पाकिस्तान एकूण सामन्यांची आकडेवारी.

भारत विरुद्ध पाकिस्तान एकूण सामन्याची आकडेवारी

भारत आणि पाकिस्तान यांच्यात आतापर्यंत एकूण आठ टी -20 आंतरराष्ट्रीय सामने खेळले गेले आहेत. यादरम्यान भारतीय संघाला जबरदस्त धार होती. जिथे भारताने 6 सामने जिंकले, पाकिस्तानला फक्त एकदाच जिंकता आले. एका सामन्याचा निकाल लागला नाही. त्याचबरोबर भारत आणि पाकिस्तान एकदिवसीय सामन्यात 132 वेळा आमनेसामने आले. पाकिस्तानकडे 73 तर भारताच्या नावावर 55 एकदिवसीय सामने आहेत. 4 सामने रद्द झाले. याशिवाय, दोन्ही संघ 59 कसोटीत भिडले, ज्यात भारताने 9 सामने जिंकले आणि पाकिस्तानने 12 वेळा जिंकले. 38 कसोटी अनिर्णित राहिल्या.

विश्वचषकातील पाकिस्तानविरुद्धच्या सामन्यांमध्ये भारताचे वर्चस्व

भारताने पाकिस्तानविरुद्ध बऱ्याच काळापासून विश्वचषकावर वर्चस्व राखले आहे. एकदिवसीय आणि टी -20 विश्वचषकात पाकिस्तानी संघ भारतासमोर कधीही यश मिळवू शकला नाही. दोन्ही संघांनी एकदिवसीय विश्वचषकात 7 सामने खेळले आहेत आणि प्रत्येक वेळी भारताने विजय मिळवला आहे. दोघांचा शेवटचा संघर्ष इंग्लंडमध्ये झालेल्या एकदिवसीय विश्वचषकात झाला, ज्यामध्ये भारताने 89 धावांनी विजय मिळवला. दुसरीकडे, टी -20 विश्वचषकात दोन्ही संघ 5 वेळा भिडले आहेत आणि भारतीय संघाने सर्व सामन्यांमध्ये विजयी झेंडा फडकवला आहे. दोन्ही संघांची शेवटची भेट 2016 मध्ये कोलकाता येथे टी २० विश्वचषकात झाली होती. या सामन्यात भारताने पाकिस्तानचा 6 गडी राखून पराभव केला.

महत्वाच्या बातम्या : 

• ‘शेतकऱ्यांना शेतीपंपासाठी आठ तास अखंडीत वीज द्या, अन्यथा रास्तारोको आंदोलन करू’
• ‘मुंबई मनपाच्या पैशांचा शिवसेनेकडून पक्षनिधी म्हणून वापर’, बाळा नांदगावकर यांचे आयुक्तांना पत्र
• डोनाल्ड ट्रम्प स्वतःचं सोशल मीडिया नेटवर्क करणार लाँच
• जेम्स पॅटिन्सनने आंतरराष्ट्रीय क्रिकेटमधून घेतली तडकाफडकी निवृत्ती
• देशात आज १०० कोटी लसीकरणाचा टप्पा होणार पार ; देशात विविध कार्यक्रमांचे आयोजन