शेगाव संस्थानचे प्रमुख विश्वस्त शिवशंकर भाऊ पाटील यांचे निधन

🕒 1 min read

बुलडाणा : श्री संत गजानन महाराज शेगाव संस्थानचे विश्वस्त शिवशंकर भाऊ पाटील यांचे आज दि. ४ ऑगस्ट, बुधवारी दुपारी ५ वाजता निधन झाले. ते ८२ वर्षांचे होते. मागील तीन दिवसांपासून मल्टीऑर्गन फेल्युअरमुळे आजारी होते. ‘मला कुठल्याही दवाखान्यात हलवू नका’ असे त्यांनी सांगितल्याने त्यांच्यावर राहत्या घरीच पूर्ण मेडिकल सेटअपसहीत उपचार सुरू होते. दरम्यान, कोरोना संसर्गाच्या पार्श्वभूमीवर शेगावमध्ये भाविकांनी गर्दी करू नये, असे आवाहन संस्थानतर्फे करण्यात आले आहे.

शिवशंकर भाऊ पाटील यांच्या निधनानंतर विविध क्षेत्रांमधून शोक व्यक्त आहे. ‘श्री संत गजानन महाराज संस्थान, शेगावचे प्रमुख विश्वस्त श्री शिवशंकर भाऊ पाटील यांच्या निधनाचे वृत्त अतिशय दुःख दायक आहे. त्यांना भावपुर्ण श्रध्दांजली.! संस्थानचे पावित्र्य जपण्याबरोबरच संस्थानला सामाजिक कार्याची जोड देत त्यांनी समाजापुढे एक आदर्श निर्माण केला. शिवशंकर भाऊ पाटील कायम स्मरणात राहतील. ईश्वर दिवंगत आत्म्यास शांती देवो. ॐ शांती.’ या शब्दांत केंद्रीय मंत्री रावसाहेब दानवे यांनी भावना व्यक्त केल्यात.

संस्थानचे पावित्र्य जपण्याबरोबरच संस्थानला सामाजिक कार्याची जोड देत त्यांनी समाजापुढे एक आदर्श निर्माण केला. शिवशंकर भाऊ पाटील कायम स्मरणात राहतील. ईश्वर दिवंगत आत्म्यास शांती देवो. ॐ शांती.

— Raosaheb Patil Danve (@raosahebdanve) August 4, 2021

‘शेगाव संस्थानचे विश्वस्त शिवशंकर भाऊ पाटील यांच्या निधनामुळे आयुष्यभर निस्वार्थपणे संत गजानन महाराजांची सेवा करणारे ऋषितुल्य व्यक्तीमत्व काळाच्या पडद्याआड गेले आहे. संस्थानच्या सेवाभावी कार्याच्या विस्तारामध्ये त्यांची भूमिका नेहमी स्मरणात राहील. त्यांना भावपूर्ण श्रद्धांजली.’ असे ट्विट राज्याचे सार्वजनिक बांधकाम मंत्री अशोक चव्हाण यांनी केले आहे.

महत्त्वाच्या बातम्या

• धक्कादायक! पूजा चव्हाणने आत्मत्येपूर्वी मद्य प्राशन केले होते; केमिकल अँनालायसेसचा अहवाल
• ‘महाविकास आघाडी सरकार पूरग्रस्तांची अजून किती थट्टा करणार?’, प्रवीण दरेकरांचा संतप्त सवाल
• ‘बेल बॉटम’ चित्रपटाचा ट्रेलर पाहून लारा दत्ताला ओळखणे झाले कठीण; सोशल मीडियावर कौतुकाचा वर्षाव
• ‘वर्क फ्रॉम होम, खरेदीला वेळ देणार कोण’! पुण्यात व्यापाऱ्यांचे घंटानाद आंदोलन
• टोकीयो ऑलिम्पिक स्पर्धेत नीरज चोप्राची अंतिम फेरीत धडक, पहिल्याच प्रयत्नात यशस्वी