🕒 1 min read
मुंबई : अनेक अडथळ्यानंतर अखेर भारतीय संघाच्या श्रीलंका दौऱ्याला आज सुरुवात होणार आहे. प्रमुख खेळाडूच्या अनुस्पथितीत शिखर धवनच्या नेतृत्वाखाली युवा संघ लंकादहन करण्यासाठी सज्ज झाला आहे. तर भारतीय संघाचे प्रशिक्षक पद हे राहुल द्रविडकडे सोपवण्यात येणार आहे.
भारतीय संघाचे प्रमुख खेळाडू इंग्लंड दौऱ्यावर असल्यामुळे शिखर धवन भारतीय संघाचे नेतृत्व करत आहे. तसेच या दौऱ्यात शिखर धवनला अनेक विक्रम नोंदवण्याची संधी आहे. पहिला विक्रम आहे तो कर्णधार पदाचा विक्रम. एकदिवसीय क्रिकेटमध्ये सर्वाधीक वय असलेला कर्णधार म्हणून पदार्पण करण्याचा विक्रम शिखर धवन नोंदवेल. यासह एकदिवसीय क्रिकेटमध्ये श्रीलंकेविरुद्ध १००० धावा पुर्ण करण्यासाठी धवनला केवळ १७ धावांची गरज आहे. जर त्याने हा विक्रम केला तर श्रीलंकेविरुद्ध सर्वात कमी डावात १००० धावा करणारा तो फंलदाज ठरेल.
तर आंतरराष्ट्रीय क्रिकेटमध्ये १०,००० धावा पुर्ण करण्यासाठी धवनला ३५ धावांची गरज आहे. सध्या धवनच्या नावे कसोटीत २,३१५ धावा, एकदिवसीयमध्ये ५,९७७ आणि टी-२० क्रिकेटमध्ये १,६७३ धावा आहेत. तसेच पहिल्या सामन्यात जर धवनने २७ धावा केल्या तर एकदिवसीय क्रिकेटमध्ये त्याच्या ६००० धावा पुर्ण होतात. अशी कामगिरी करणारा तो दहावा भारतीय खेळाडू ठरेल. तसेच सर्वात जलद ६००० धावा करणारा तो दुसऱ्या क्रमांकाचा फलंदाज ठरेल.
महत्त्वाच्या बातम्या
- टीम इंडिया मैदानात ; विराट, रोहितची नेट्समध्ये जोरदार फटाकेबाजी
- पगार नसल्याने चिकटटेप विकावा लागणाऱ्या शिक्षकाला दरेकरांचा मदतीचा हात, राज्य सरकारवर टीका
- योगी महाराजांनी ‘तो’ कायदा लावलाच तर भाजपचे १६० आमदार बाद होतील; संजय राऊतांचा खोचक टोला
- शाब्बास ! ‘या’ कारणासाठी दहा हजार किलोमीटरचा सायकल प्रवास; उपमुख्यमंत्र्यांनी घेतली दखल
- सावधान! श्रीलंकेचे ‘हे’ खेळाडू करु शकतात धवनसेनेचे दहन
