‘कोणी कितीही आरोप करा, माझ्यावर ईडीची कारवाई होणार नाही!’ अनिल परब यांचा दावा

🕒 1 min read

औरंगाबाद : मुंबईचे माजी पोलीस आयुक्त परमबीर सिंग यांनी माजी गृहमंत्री अनिल देशमुख यांच्यावर वसुलीबाबत केलेल्या आरोपांचा उच्च न्यायालयाच्या आदेशानुसार सीबीआयने प्राथमिक तपास करून अहवाल सादर केला होता. त्याच्या आधारावर ईडीने देशमुख यांच्याविरुद्ध गुन्हा दाखल करून तपास सुरू केला आहे. देशमुख यांच्यानंतर महाविकास आघाडीतील परिवहनमंत्री अनिल परब यांचा क्रमांक लागणार असल्याचे भाजपाचे नेते म्हणत आहेत.

परब यांच्यावर थेट भ्रष्टाचाराचे आरोप देखील झाले होते. त्यामुळे परब यांच्यावर देखील ईडीची कारवाई होणार याची चर्चा गेल्या कित्येक महिन्यांपासून राजकीय वर्तुळात सुरू आहे. परंतू अद्याप ईडीची कारवाई झाली नाही. दरम्यान, आज औरंगाबाद दौऱ्यावर असलेल्या अनिल परब यांनी या मुद्द्यावरून पत्रकारांनी प्रश्न विचारला. त्यावेळी त्यांनी कोणी कितीही आरोप करा, माझ्यावर ईडीची कारवाई होणार नाही असा दावा केला.

मंत्री परब म्हणाले, ‘अद्याप माझ्यावर ईडीकडून कुठल्याही प्रकारची कारवाई झालेली नाही. माझी चौकशी देखील नाही. भविष्यातही ती होणार नाही. त्यामुळे विरोधकांना कितीही चर्चा करायची असली तर त्यांनी ती खुशाल करावी. मला ईडीचा धोका नाही. त्यामुळे त्यांच्या आरोपांना मी उत्तर देणार नाही.’

काय आहे प्रकार?
भाजप नेते किरीट सोमय्या यांनी केलेल्या तक्रारीनूसार, दापोली जवळील मुरुड समुद्र किनाऱ्यावर लॉकडाऊनच्या काळात म्हणजेच २०२० मध्ये अनिल परब यांनी आलिशान साई रिसॉर्ट बांधले. जून २०१९ मध्ये अनिल परब यांनी जमीन घेतली. मात्र, सात बारा नावावर केलेला नाही आहे. तसंच २०२० मध्ये ठाकरे सरकारच्या अधिकारांचा दुरुपयोग करुन सगळे नियम धाब्यावर बसवून समुद्र किनाऱ्यावर, CRZ मध्ये आलिशान रिसॉर्ट बांधला. रिसॉर्ट बांधून झाल्यावर अनिल परब यांनी ते रिसॉर्ट २९ फेब्रुवारी २०२१ मध्ये त्यांचे भागीदार आणि शिवसेना नेते सदानंद कदम यांच्या नावावर केला, अशी माहिती किरीट सोमय्या यांनी दिली.

महत्वाच्या बातम्या

• ‘इस शहर में मिल ही जाएँगे, हर मोड़ पर गड्ढे-तालाब..’ अमृता फडणवीस यांचा शिवसेनेवर निशाणा
• ‘राज्य सरकारचा गूण दहावी निकालाच्या वेबसाईटला लागला, दोन्हीही ठप्पच!’ भाजपचा टोला
• ‘श्रीपादचे छिंदम’चाळे सुरूच! टपरी चालकाला शिवीगाळ करत मारहाण; अॅट्रॉसिटी दाखल
• ‘कोरोनामुळे विधवा झालेल्या महिलांना प्रत्येकी ५ लाखांची मदत करा’, मुख्यमंत्र्यांना १४०० इमेल्स
• ‘..तर महाराष्ट्रातील भाजप नेत्यांवर गंगामय्याचा कोप नक्कीच होणार!’, वारीच्या मुद्द्यावरून शिवसेनेची टीका