RBI चा मास्टरकार्डला दणका! झाली ‘ही’ मोठी कारवाई

🕒 1 min read

नवी दिल्ली: देशातील सर्वात मोठी स्टेट बँक असो किंवा गावातील पतसंस्था, यांच्यावर एकच शिखर बँक नियंत्रण ठेवते. ती म्हणजे रिझर्व्ह बँक ऑफ इंडिया आहे. सध्या रिझर्व्ह बँक ऑफ इंडिया नियमांचे पालन न करणाऱ्या बँकांवर कारवाई करत कोट्यवधी रुपयांचा दंड ठोठावले आहेत.

त्यानंतर आता रिझर्व्ह बँकेने मास्टरकार्ड एशिया/पॅसिफिक पीटीईवर बंदी आणली आहे. पुरेशी मुदत देऊनही संस्थांना पेमेंट सिस्टम डेटा संग्रहित करण्याच्या सूचनांचे पालन न केल्याने ही कारवाई करण्यात आली आहे. २२ जुलै २०२१ पासून त्याच्या कार्ड नेटवर्कवर नवीन स्थानिक ग्राहक (डेबिट, क्रेडिट किंवा प्रीपेड) जोडू शकणार नाहीत, असे आरबीआयकडून सांगण्यात आले आहे.

Reserve Bank of India takes supervisory action on Mastercard Asia / Pacific Pte. Ltd.https://t.co/Awx9t2Ssdt

— ReserveBankOfIndia (@RBI) July 14, 2021

पेमेंट अँड सेटलमेंट सिस्टम अ‍ॅक्टच्या कलम १७ अंतर्गत असलेल्या अधिकारांचा उपयोग करून ही कारवाई करण्यात आली आहे, असे रिझर्व्ह बँकेकडून सांगण्यात आले आहे. मात्र या आदेशाचा मास्टरकार्डच्या विद्यमान ग्राहकांवर परिणाम होणार नाही.

याआधी भारतीय रिझर्व्ह बँकेने मुंबईतील सारस्वत सहकारी बँक 25 लाख आणि एसव्हीसी सहकारी बँक 37.50 लाख दंड ठोठावला आहे. तर उर्वरित दोन बँकांमध्ये आंध्र प्रदेशातील महेश को-ऑपरेटिव अर्बन बँक 1 कोटी 12 लाख 50 हजार  आणि अहमदाबादच्या मर्केंटाइल को-ऑपरेटिव बँकेला 62.50 लाख रुपयांचा दंड ठोठावण्यात आला आहे.

महत्त्वाच्या बातम्या

• ‘तुमच्याकडे मेजॉरिटी आहे, मग घाबरताय का?’ ; फडणवीसांचा महाविकास आघाडीवर हल्लाबोल
• ट्वीटरवर अंकुश आणून लोकांचा बोलण्याचा अधिकार काढून घेणे योग्य नाही – नवाब मलिक
• अलिबाग उरण मतदार संघाचे माजी आमदार मधुकर ठाकूर यांचे निधन
• कोरोना नियमांचे सर्रास उल्लंघन; केंद्रीय गृहमंत्रालयाकडून चिंता व्यक्त
• पंतला कोरोनाची लागण झाल्यानंतर बीसीसीआयला आली जाग, खेळाडुंना दिले ‘हे’ आदेश