🕒 1 min read
मुंबई : मोदी सरकारचा मंत्रिमंडळ विस्तार काल पार पडला. भाजपचे राज्यसभेचे खासदार नारायण राणे यांचा मोदींच्या कॅबिनेटमध्ये समावेश करण्यात आलाय. इतकंच नाही तर राणेंचा मंत्रिपदाचा शपथ घेण्याचा पहिला मान देखील देण्यात आला. नारायण राणेंना मोदींच्या मंत्रिमंडळात सुक्ष्म, लघू आणि मध्यम उद्योग खात्याचं मंत्रिपद देण्यात आलं आहे.
यावरून ‘राणेंना सुक्ष्म, लघू आणि मध्यम उद्योग खात्याचं मंत्रिपद देण्यात आलं आहे. पण त्यांना जे पद मिळालं त्यापेक्षा त्यांची उंची मोठी आहे. तरीही आमच्या राणेंना शुभेच्छा आहेत. त्यांनी रोजगार आणि उद्योगांना संजीवनी द्यावी’, अशी प्रतिक्रिया संजय राऊत यांनी दिली होती. यानंतर विधान परिषदेचे विरोधी पक्षनेते प्रवीण दरेकर यांनी राऊतांच्या वक्तव्याचा चांगलाच समाचार घेतला आहे.
‘संजय राऊत यांना राणेंना काही मिळाले तरी ते छोटेच वाटणार याची कल्पना आम्हाला आहे. आदरणीय बाळासाहेब ठाकरे यांना राणेंची उंची माहीत होती. त्यामुळेच त्यांना महाराष्ट्राच्या मुख्यमंत्रीपदी बसवले होते. परंतु आता संजय राऊत यांना राणे दोषाचा काविळ झाल्याचा टोला दरेकरांनी लगावला. तसेच राणे यांना मिळालेलं खातं छोट आहे,की मोठं हे येणाऱ्या काळामध्ये राणे त्यांच्या कार्यपद्धतीतुन दाखवून देतील. त्यांना कोणतही खातं दिलं असतं तरी त्या खात्याला वजन प्राप्त करत जनतेला मदत करायचं काम ते नक्की केलं असतं, असा विश्वासही यावेळी दरेकर यांनी व्यक्त केला.
नारायणे राणेंचे राऊतांना प्रत्युत्तर
‘संजय राऊत यांना काही ना काहीतरी बोलायचेच असतं. चांगले नाही वाईटच बोलायचे असते. संजय राऊत यांना सांगेन की खाते बरे-वाईट नसते, तर काम कसे करतो हे महत्वाचे असते. या खात्याला मी जेव्हा न्याय देईन तेव्हा संजय राऊतच हे खाते चांगले आणि मोठे होते असे म्हणतील,” असा टोला नारायण राणे यांनी लगावला.
महत्वाच्या बातम्या
- मंत्रिपद नाकारल्याने मुंडे भगिनी नाराज? ‘महाराष्ट्र देशा’च्या बातमीनंतर भाजपने दिले स्पष्टीकरण
- ‘मुख्यमंत्री ठाकरेंनी नाही, पण शरद पवारांनी फोन करून शुभेच्छा दिल्या’, मंत्री राणेंची माहिती
- ‘मंत्रिपद मिळवण्यासाठीच राणेंनी ठाकरे कुटुंबीयांवर टीका केली’
- ऐसी भी क्या नाराजगी? मुंडे भगिनींकडून नुतन मंत्र्यांचे साधे अभिनंदनही नाही!
- नसीरुद्दीन शाहंना रुग्णालयातून डिस्चार्ज; फोटो शेअर करत दिली माहिती
बातम्यांसाठी YouTube चॅनेल Subscribe करा
Subscribe Now
