‘मुख्यमंत्री ठाकरेंनी नाही, पण शरद पवारांनी फोन करून शुभेच्छा दिल्या’, मंत्री राणेंची माहिती

🕒 1 min read

मुंबई : पंतप्रधान नरेंद्र मोदी सरकारच्या मंत्रिमंडळ विस्तारात नारायण राणे यांना महत्त्वाचे स्थान मिळाले आहे. राणेंना मंत्रिपदाचा शपथ घेण्याचा पहिला मान देखील देण्यात आला. त्यांना मोदींच्या मंत्रिमंडळात सुक्ष्म, लघू आणि मध्यम उद्योग खात्याचे मंत्रिपद देण्यात आले आहे. राणे यांनी आपल्या मंत्रालयाचा पदभार स्वीकारला असून यावेळी त्यांनी प्रसारमाध्यमांशी संवाद साधला. यावेळी त्यांनी मुख्यमंत्री उद्धव ठाकरेंवर निशाणा साधला.

‘शरद पवार यांनी मला फोन केला. पवार मला म्हणाले की चांगले काम करा. पण मुख्यमंत्री उद्धव ठाकरे यांनी मात्र मला अद्याप शुभेच्छा दिलेल्या नाहीत. कारण त्यांचे मन एवढे मोठे नाही. मला मंत्रीपद मिळाल्याबद्दल मुख्यमंत्र्यांनी अभिनंदन केलेले नाही. पण महाराष्ट्रातील सर्व विभागातून मला शुभेच्छा मिळाल्या. त्याच मी त्यांच्या वतीने शुभेच्छा समजतो’, अशा शब्दात नारायण राणे यांनी उद्धव ठाकरेंना टोला लगावला.

संजय राऊतांचा घेतला समाचार
राणेंना सुक्ष्म, लघू आणि मध्यम उद्योग खात्याचं मंत्रिपद देण्यात आलं आहे. पण त्यांना जे पद मिळालं त्यापेक्षा त्यांची उंची मोठी आहे अशी बोचरी टीका शिवसेना नेते संजय राऊत यांनी केली होती. यालाही राणेंनी प्रत्युत्तर दिलेय. ‘संजय राऊत यांना काही ना काहीतरी बोलायचेच असतं. चांगले नाही वाईटच बोलायचे असते. संजय राऊत यांना सांगेन की खाते बरे-वाईट नसते, तर काम कसे करतो हे महत्वाचे असते. या खात्याला मी जेव्हा न्याय देईन तेव्हा संजय राऊतच हे खाते चांगले आणि मोठे होते असे म्हणतील,’ असा टोला राणे यांनी लगावला.

महत्वाच्या बातम्या

• ‘मंत्रिपद मिळवण्यासाठीच राणेंनी ठाकरे कुटुंबीयांवर टीका केली’
• ऐसी भी क्या नाराजगी? मुंडे भगिनींकडून नुतन मंत्र्यांचे साधे अभिनंदनही नाही!
• नसीरुद्दीन शाहंना रुग्णालयातून डिस्चार्ज; फोटो शेअर करत दिली माहिती
• नारायण राणेंना जे पद मिळालं त्यापेक्षा त्यांची उंची मोठी – संजय राऊत
• राणे यांचा केंद्रीय मंत्रिमंडळात समावेश म्हणजे युती होणार नाही यावर शिक्कामोर्तब