नाबाद ३७ धावांची झुंझार खेळी करत आमलाने रोखला काऊंटी स्पर्धेतील पराभव

🕒 1 min read

मुंबई : दक्षिण अफ्रिकेचा माजी सलामीवीर हाशिम आमला हा इंग्लंडमध्ये काउंटी क्रिकेट स्पर्धेत खेळत आहे. या स्पर्धेत तो सरे संघाकडुन खेळत आहे. नुकत्याच पार पडलेल्या हॅम्पशायर संघाविरुद्ध आमलाने झुंझार खेळी करुन संघाचा पराभव टाळला.

हॅम्पशायर संघाने सरे संघाला फॉलोऑन दिल्यानंतर दुसऱ्या डावात ८ धावांत दोन गडी गमावल्यानंतर हाशिम आमला फलंदाजीसाठी खेळपट्टीवर आला. संपुर्ण दिवस आमला खेळपट्टीवर ठाण मांडुन बसला होता. दिवसभर फलंदाजी करताना त्याने तब्बल २७८ चेंडुचा सामना केला. मात्र इतक्या चेंडुचा सामना करताना केवळ ३७ धावा जोडल्या. या खेळीत त्याने ५ चौकार मारले. आमलाच्या या झुंझार खेळीमुळे सरे संघाने हा सामना यशस्वीपणे अनिर्णीत राखला.

38-year-old Hashim Amla played one of the greatest gritty knocks ever in the County Championship, he came to bat from the first ball of the final day and scored unbeaten 37 runs from 278 balls including 5 fours at a strike rate of 13.30 and helped Surrey to draw the match. pic.twitter.com/Nvk8LuaoXF

— Johns. (@CricCrazyJohns) July 7, 2021

या खेळीत आमलाने एका विक्रमाची नोंद देखील केली आहे. प्रथम श्रेणी क्रिकेटमध्ये ४० पेक्षा कमी धावा करण्यासाठी सर्वाधीक चेंडु खेळण्याचा विक्रम केला आहे. यापुर्वी आमलाने भारताविरुद्ध अशीच झुंझार खेळी केली आहे. भारताविरुद्धच्या त्या सामन्यात आमलाने २४४ चेंडुत केवळ २५ धावांची खेळी साकारली होती. त्याच्यासोबत त्याचा सहकारी एबी डीव्हिलीयर्सने २९७ चेंडुत ४३ धावा केल्या होत्या आणि पराभव टाळला होता.

महत्त्वाच्या बातम्या

• इतर पक्षातून आलेल्या नेत्यांची मंत्रिमंडळात वर्णी; निष्ठावंतांचे पंख छाटले
• रेव्ह पार्टी प्रकरणात अभिनेत्री हिना पांचालला न्यायालयीन कोठडी
• ‘लग्न करून मी चूक केली’; झीनत अमान यांचा धक्कादायक खुलासा
• देवेंद्र फडणवीसांशी असणारी मैत्री कपिल पाटील यांच्या पथ्यावर पडली
• मराठी चित्रपट सृष्टीतील वाढलेली गुंडगिरी खपवून घेतली जाणार नाही – दिलीप वळसे पाटील