आता चित्रा वाघ यांच्या खांद्यावर चंद्रकांतदादांनी सोपवली ‘विशेष’ जबाबदारी !

🕒 1 min read

मुंबई : भाजप प्रदेश उपाध्यक्षा चित्रा वाघ यांनी महाविकास आघाडी सरकारविरोधात चांगलंच आक्रमक रूप धारण केलंय. माजी वनमंत्री संजय राठोड यांच्या राजीनाम्यासाठी त्यांनी सरकारची चांगलीच कोंडी करण्याची रणनीती आखली होती. तसेच, मंत्री धनंजय मुंडे यांच्या खात्यातील अधिकाऱ्याची महिलेशी असलेलं गैरवर्तन समोर आणून महिलांना न्याय देण्यासाठी देखील त्यांनी आक्रमक पवित्रा घेतला होता. यासोबतच, महाविकास आघाडीतील नेत्यांच्या आरोपांना प्रत्युत्तर देण्यासह टीकास्त्र सोडण्याच्या चित्रा वाघ यांच्यावर भाजपने आता ‘विशेष’ जबाबदारी सोपवली आहे.

महाराष्ट्र भाजपच्या युवती विभागाच्या प्रभारीपदाची विशेष जबाबदारी चित्रा वाघ यांच्या खांद्यावर देण्यात आली आहे. विशेष म्हणजे, चित्रा वाघ यांनी २०१९ मध्ये विधानसभा निवडणुकांआधी राष्ट्रवादी काँग्रेसला रामराम ठोकून भाजपात प्रवेश केला होता. अवघ्या दोन वर्षांमध्ये त्यांच्यावर मोठ्या जबाबदाऱ्या सोपवण्यात येत आहेत. भाजप प्रदेशाध्यक्ष व आमदार चंद्रकांत पाटील यांनी त्यांची नेमणूक केली असून अभिनंदन देखील केलं आहे.

चंद्रकांत पाटील यांचे चित्रा वाघ यांना पत्र –

सस्नेह नमस्कार… भारतीय जनता पार्टी महाराष्ट्र प्रदेशाच्या प्रदेश उपाध्यक्ष म्हणून आपण ही जबाबदारी मोठ्या जिद्दीने आणि अत्यंत कुशलतेने पार पाडत आहात… गेली अनेक वर्ष आपण सामाजिक आणि राजकीय क्षेत्रात सक्षमपणे कार्यरत आहात.. युवती व महिला यांच्या विषयातील आपला प्रदीर्घ अनुभव लक्षात घेऊन आपल्याकडे ‘भाजप महाराष्ट्र युवती विभागाच्या प्रभारी’ म्हणून विशेष जबाबदारी सोपविण्यात येत आहे… आगामी काळात आपण आपल्या सहकाऱ्यांना सोबत घेऊन ही जबाबदारी यशस्वीरीत्या पार पाडाल व त्याचा संघटनेला निश्चित फायदा होईल असा मला विश्वास आहे… आपल्या आगामी वाटचालीस माझ्या मनःपूर्वक शुभेच्छा… आपला चंद्रकांत पाटील

भारतीय जनता पार्टी महाराष्ट्र प्रदेश ने आज माझी भाजपा महाराष्ट्र – युवती विभागाच्या प्रभारी म्हणून नियुक्ती केली आहे
पक्षाने दिलेली ही जबाबदारी मी उत्तमरीत्या पार पाडेन हा विश्वास देते
प्रदेशध्यक्ष मा.@ChDadaPatil
विधीमंडळ नेते @Dev_Fadnavis जी मा.@SMungantiwar मनस्वी आभार pic.twitter.com/Z7AkKkA7NE

— Chitra Kishor Wagh (@ChitraKWagh) June 30, 2021

पक्षाने दिलेली ही जबाबदारी मी उत्तमरीत्या पार पाडेन…

भारतीय जनता पार्टी महाराष्ट्र प्रदेश ने आज माझी भाजपा महाराष्ट्र – युवती विभागाच्या प्रभारी म्हणून नियुक्ती केली आहे. पक्षाने दिलेली ही जबाबदारी मी उत्तमरीत्या पार पाडेन हा विश्वास देते, असं म्हणत चित्रा वाघ यांनी प्रदेशाध्यक्ष चंद्रकांत पाटील आणि विधानसभेचे विरोधी पक्षनेते नेते देवेंद्र फडणवीस तसेच सुधीर मुनगंटीवार यांचे मनस्वी आभार मानले आहेत.

महत्त्वाच्या बातम्या

• ‘फडणवीसांच्या महत्त्वाच्या मागण्यांवर कारवाई करा’, राज्यपालांचे मुख्यमंत्र्यांना पत्र
• ‘तू फक्त माझ्या पैशाचा व मनाचा वापर केलास’, प्रेयसीने दुसऱ्याशी साखरपुडा केल्याने प्रियकराची आत्महत्या
• ‘केंद्राच्या परवानगीनंतरच सगळी कामे करता का?’, हायकोर्टाने ठाकरे सरकारला झापले
• ‘रात गेली हिशोबात, पोरगं नाही नशिबात!’, पवारांच्या दिल्ली बैठकीवर पडळकरांचा टोला
• बेकायदेशीर धर्मांतर प्रकरणात बीडच्या इरफान शेखला दिल्लीत अटक