🕒 1 min read
औरंगाबाद : मागील काही दिवसांपासून कोरोनाची दुसरी लाट औरंगाबाद शहरात ओसरत असल्याचे चित्र आहे. परिणामी, महापालिकेने सुरु केलेल्या २१ कोविड केअर सेंटरपैकी बारा कोविड केअर सेंटरमध्ये सध्या रुग्णच नसल्याने ते सध्या बंद अवस्थेत आहेत. एका कोविड केअर सेंटरमध्ये तर केवळ एकच रुग्ण दाखल आहे. पालिकेच्या सर्व कोविड सेंटर्सची एकूण ३,९३८ रुग्णांची क्षमता आहे. मात्र शहरातील विविध कोविड सेंटर्समध्ये केवळ तीनशे रुग्ण दाखल असल्याचे पालिकेने कळवले आहे.
कोरोनाच्या दुसर्या लाटेमुळे औरंगाबाद शहरासह जिल्ह्यात मार्च आणि एप्रिल महिन्यात भयावह स्थिती निर्माण झाली होती. बाधितांची संख्या सारखी वाढत असल्याने बेड्सची मोठी समस्या निर्माण झाली होती. एका दिवशी तर १९०० पेक्षा जास्त रुग्ण औरंगाबाद शहरात आढळून आल्याने चिंता वाढली होती. रुग्ण संख्या कमी होण्यासाठी प्रशासनाने आवश्यक त्या उपाययोजना सुरु केल्या. राजय शासनानेही ब्रेक द चेन अंतर्गत पुकारलेल्या संचारबंदीचा देखील कोरोना प्रतिबंधासाठी उपयोग झाला. त्याचा परिणाम म्हणून शहरातील कोरोनाबाधितांची संख्या आता कमी होताना दिसत आहे.
पालिकेने सुरु केलेल्या २१ कोविड केअर सेंटर्सपैकी आता १२ सेंटरमध्ये रुग्ण नाहीत. तर एमआयटी कॉलेजच्या बॉईज होस्टेलमधील एका कोविड केअर सेंटरमध्ये फक्त एक रुग्ण दाखल असल्याची माहिती पालिकेच्या आरोग्य विभागाने दिली आहे. बंद अवस्थेत असलेल्या बारा सेंटरमध्ये यशवंत होस्टेल विद्यापीठ परिसर, छत्रपती होस्टेल विद्यापीठ परिसर, शासकीय तंत्रनिकेतन महाविद्यालय, पीईएस अभियांत्रिकी महाविद्यालय, देवगिरी मुलांचे होस्टेल, देवगिरी मुलींचे होस्टेल, विभागीय क्रीडा संकुल, शासकीय बी.एड. कॉलेज मुलांचे होस्टेल, शासकीय बी.एड. कॉलेज मुलींचे होस्टेल, शासकीय विज्ञान संस्थेचे होस्टेल, संत तुकाराम होस्टेल, श्रेयस इंजिनिअरिंग कॉलेज या कोविड केअर सेंटरचा समावेश आहे.
महत्त्वाच्या बातम्या
- विरोधक ब्लॅक फंगस आहेत, शिवसैनिकांनी त्यांच्याकडे दुर्लक्ष करावं – संजय राऊत
- कैलासनगर स्मशानभूमीसह एन-६ स्मशानभूमीत गॅस दाहिनी उभारणार!
- जयंत पाटील, थोरात यांच्यावर गुन्हे दाखल करा; शिवसेना खासदाराच्या मागणीने आघाडीतील बिघाडी चव्हाट्यावर
- कोरोना काळात एक वर्षापासून रखडले आहे ‘येथील’ फुट ओव्हर ब्रिजचे काम!
- औरंगाबादेत रस्ते कामांसंदर्भात पालकमंत्र्यांनी दिलेली मेअखेर ची डेडलाईन टळणार!
