🕒 1 min read
पुणे : २०१९ विधानसभांच्या निकालानंतर शिवसेनेने भाजपसोबत असलेला संसार मोडून विसंगत विचारधारा असलेल्या राष्ट्रवादी काँग्रेस आणि काँग्रेससोबत महाविकास आघाडीचं सरकार स्थापन केलं. यानंतर, हे तीनचाकी सरकार एकमेकांच्या पायात पाय अडकून पडेल असं भाकीत करून भाजप नेत्यांनी महाविकास आघाडी सरकारवर जोरदार टीका केली.
मात्र, या सरकारने निसर्ग चक्रीवादळ, कोरोना, अतिवृष्टी, तौक्ते चक्रीवादळ अशा अनेक संकटांचा सामना करत दीड वर्षाचा कालावधी पार केला आहे. या काळात महाविकास आघाडीतील मित्रपक्षांमधील धुसफूस देखील दिसून आली. दरम्यान, कोरोनाची दुसरी लाट, अपुरी आरोग्य व्यवस्था, ढिसाळ नियोजन, अपुरी मदत अशा मुद्द्यांवरून महाविकास आघाडीवर भाजपने हल्लाबोल केला आहे.
आता शिवसेना नेते व खासदार संजय राऊत यांनी पुन्हा एकदा विरोधकांना प्रत्युत्तर दिलं असून विरोधकांना ब्लॅक फंगस म्हणजेच काळी बुरशी असं संबोधत बोचरी टीका केली आहे. ते पुण्यात कोविड सेंटरच्या ऑनलाईन उद्घाटनावेळी बोलत होते. संजय राऊत म्हणाले, ‘कोरोना महामारीत मुंबईत चांगल्या कामाचं जागतिक आरोग्य संघटनेसह पंतप्रधान नरेंद्र मोदींनीही कौतुक केलंय, मात्र विरोधक त्यावर टीका करतायत. शिवसैनिकांनी त्याकडे दुर्लक्ष करून कामाकडे लक्ष द्यावे, कारण विरोधक ब्लॅक फंगस आहेत.’
महत्वाच्या बातम्या
- ‘त्या’ व्हिडिओनंतर बाबा रामदेव यांची अडचण वाढली, IMA कडून कारवाईसाठी आक्रमक पवित्रा
- ‘…तर १ जूननंतर लॉकडाऊन शिथिल करण्याचा निर्णय घेतला जाऊ शकतो
- मुख्यमंत्र्यांनी जाहिर केलेली मदत रिक्षाचालकांना दोन दिवसात मिळणार- परिवहन अधिकारी
- जयंत पाटील, थोरात यांच्यावर गुन्हे दाखल करा; शिवसेना खासदाराच्या मागणीने आघाडीतील बिघाडी चव्हाट्यावर
- पुणे सावरतंय ! सलग तिसऱ्या दिवशी पुण्यात नव्या कोरोना बाधितांची संख्या एक हजाराच्या आत
