दोनच दिवसात तब्बल १४१ व्यापारी पॉझिटिव्ह

🕒 1 min read

औरंगाबाद : जिल्हा व्यापारी महासंघाच्या सहकार्याने महापालिकेकडून शहरातील व्यापार्‍यांची कोरोना चाचणी केली जात आहे. सोमवारी (दि.१५) याअंतर्गत सहा ठिकाणी अ‍ॅन्टिजेन टेस्ट शिबिर सुरु करण्यात आले. यात सर्व केंद्रांवर सोमवारी दिवसभरात ७७५ व्यापार्‍यांची टेस्ट करण्यात आली. यातून ८० जणांचे अहवाल पॉझिटिव्ह निघाले. तर मंगळवारी ७१६ चाचण्यांतून ६१ असे दोन दिवसांत एकूण १४१ व्यापारी पॉझिटिव्ह निघाले आहेत.

औरंगाबाद शहरात कोरोना संसर्ग गतीने फैलावत असल्याने व्यापारी, हातगाडीचालक, फळ-भाजी विक्रेते यांच्या कोरोना चाचण्या पालिकेकडून केल्या जात आहे. याअंतर्गतच व्यापार्‍यांच्या चाचणीसाठी शहरात सहा ठिकाणी स्वतंत्र तपासणी शिबिराचे घेतले जात आहे. सोमवारी सर्वच केंद्रांवर तपासणी करुन घेण्यासाठी व्यापार्‍यांच्या रांगा लागल्याचे चित्र होते.

मंगळवारी दिवसभरात ७१६ व्यापार्‍यांची चाचणी करण्यात आली. त्यातून ६१ जणांचे अहवाल पॉझिटिव्ह आले. यात एसएफएस स्कुलमध्ये १२, पैठण गेट येथे ८, महावीर भवन येथे ९, शहागंज येथे १३, पाटीदार भवनमध्ये ६ तर अग्रेसन भवन येथे १३ जणांचे अहवाल पॉझिटिव्ह आढळून आले. दोनच दिवसांत १४१ व्यापारी पॉझिटिव्ह निघाल्याने व्यापारी वर्गातूनही कोरोनाचा संसर्ग फैलावत चालला असून त्यास वेळीच प्रतिबंध करण्यासाठी हा उपाय उपयोगी ठरणार आहे.

महत्त्वाच्या बातम्या

• कोरोनाचा वाढता उद्रेक, मनपा वाढवणार कोविड सेंटरची संख्या
• हेमंत नगराळे यांची मुंबई पोलीस आयुक्तपदी वर्णी !
• डीएनए अहवालाच्या पुराव्यामुळे अत्याचारातील आरोपीला २० वर्षांची शिक्षा
• भाजपा सर्वात मोठी खोटारडी पार्टी; लस मागवुनही केंद्राने लस पुरवली नाही – बॅनर्जी
• मनसुख हिरेन मृत्यू प्रकरणाची फाईल अमित शहांकडे?; ठाकरे सरकारच्या अडचणी वाढणार