मंत्री गुलाबराव पाटील यांचं ट्विटर अकाउंट हॅक ?

🕒 1 min read

मुंबई : महाविकास आघाडी सरकामधील पाणी पुरवठा मंत्री तथा जळगाव जिल्ह्याचे पालकमंत्री गुलाबराव पाटील यांचं ट्विटवर अकाउंट हॅक झाल्याचे समजतेय. गुलाबराव पाटील यांच्या ट्विटवर अकाउंट प्रोफाइल फोटोच्या जागी भलत्याच कोणाचा फोटो दिसत आहे. त्यामुळं प्रथमतः गुलाबराव पाटील यांचे ट्विटवर अकाउंट हॅक झाल्याचे समजतेय.

गुलाबराव पाटील हे नेहमीच त्यांच्या ट्विटर वरून त्यांचे विचार लोकांशी शेअर करत असतात. तसेच ट्विटर आणि फेसबुक या सोशल मीडिया प्लॅटफॉर्मच्या माध्यमातून ते नेहमीच त्यांच्या लोकांच्या संपर्कात असतात. आता त्यांचं ट्विटर अकाउंट हॅक झाल्याची बातमी सोशल मीडियावर वेगानं पसरली आहे. पाटील यांचे ट्विटरवर १२ हजार ३०० फॉलोअर्स आहेत.

याशिवाय गुलाबराव पाटील यांचे ट्विटवर अकाउंट लॉक झाल्याचे चिन्ह त्यांच्या ट्विटर प्रोफाईलवर दिसत आहे. सोबतच त्यांच्या ट्विटर टाइमलाईनवरील त्यांनी केलेलं एकही ट्विट दिसत नाहीये.

दरम्यान, गुलाबराव पाटील यांच्या ट्विटर अकाउंटबाबत अधिकृत माहिती समोर आली नसून ट्विटरवरील गुलाबराव पाटील यांचे फॉलोअर्स त्यांचे अकाउंट हॅक झाल्याचे ट्विट करत आहेत.

महत्वाच्या बातम्या

• आता पदव्यूत्तर विभागाचे अभ्यासक्रम एकसमान राहणार
• कोरोना लसीकरणाच्या दुसऱ्या डोसला आजपासून सुरुवात
• कोरोनाचा संसर्ग वाढतोय ! अजित पवारांनी दिले कठोर पाऊल उचलण्याचे संकेत
• इच्छुक उमेदवारांची वॉर्डा-वॉर्डातल्या समस्या सोडविण्यासाठी पालिकेत धाव
• दुख:दायक! लग्नाला जाणाऱ्या दोन युवकांवर काळाचा घाला