🕒 1 min read
ऑस्ट्रेलिया : ऑस्ट्रेलियाला धोबीपछाड दिल्यानंतर टीम इंडिया इंग्लडविरुद्ध भिडण्यासाठी सज्ज आहे. इंग्लंडच्या भारत दौऱ्याची सुरुवात कसोटी मालिकेने होणार आहे. कोरोनानंतर पहिल्यांदाच भारतात आंतरराष्ट्रीय क्रिकेट खेळण्यात येणार आहे. इंग्लंडविरोधातील पहिल्या 2 कसोटींसाठी टीम इंडियाची घोषणा करण्यात आली आहे. हे दोन्ही सामन्यांचे आयोजन चेन्नईमध्ये करण्यात आले आहे.
सध्या भारत दौऱ्यातील पहिल्या २ कसोटी सामन्यांसाठी निवड झालेल्या इंग्लंड संघातील काही खेळाडू श्रीलंकेत असून श्रीलंकेविरुद्ध कसोटी मालिका खेळत आहेत. त्यामुळे हे खेळाडू २६ जानेवारीनंतर श्रीलंकेतून भारतात येतील. तर काही खेळाडू इंग्लंडमधून भारतात येणार आहे. यात बेन स्टोक्स या अष्टपैलू क्रिकेटपटूचाही समावेश आहे.
स्टोक्सला जोफ्रा आर्चरसह श्रीलंका दौऱ्यातून विश्रांती दिली होती. तसेच सलामीवीर रॉरी बर्न्स देखील त्याच्या पहिल्या अपात्यच्या जन्मामुळे मायदेशी होता. त्यामुळे हे तिघेही आता लवकरच भारतात येतील.
याबाबत स्टोक्सने सोशल मीडियावर पोस्ट केली आहे. यात तो विमानात बसलेला फोटो त्याने शेअर केला असून त्याला कॅप्शन दिले आहे की ‘सी यू सून इंडिया'(लवकरच भारतात येत आहे). स्टोक्सचा हा फोटो मोठ्या प्रमाणात व्हायरल झाला आहे.
भारताविरुद्धच्या पहिल्या दोन कसोटीसाठी आर्चर, स्टोक्स आणि बर्न्स या तिघांचेही इंग्लंड संघात पुनरागमन झाले आहे. तर इंग्लंडने श्रीलंका दौऱ्यात खेळलेल्या सॅम करन आणि जॉनी बेअरस्टोला विश्रांती दिली आहे.
See you soon India ✈️???????? pic.twitter.com/TrGHG3iuy3
— Ben Stokes (@benstokes38) January 23, 2021
कसोटी मालिकेचं वेळापत्रक
पहिला सामना – चेन्नई – 5 ते 9 फेब्रुवारी
दुसरा सामना – चेन्नई – 13 ते 17 फेब्रुवारी
तिसरा सामना – अहमदाबाद – 24 ते 28 फेब्रुवारी
चौथा सामना – अहमदाबाद – 4 ते 8 मार्च
महत्त्वाच्या बातम्या
- आयपीएलच्या इतिहासातील सर्वोच्च बोली यंदा; मलिंगाच्या जागी ‘या’ खेळाडूची लागू शकते वर्णी
- अधिकाऱ्यांच्या लसीकरणानंतर शंका-कुशंका झाल्या दूर
- देवमाणसातील राक्षस; मुलगा न झाल्याने डॉक्टरकडून पत्नीसह मुलीला मारण्याचा प्रयत्न
- जयंत पाटील हे पात्रता नसताना राजकारणात आले आहेत; पडळकरांची खोचक टीका
- ‘या’ खेळाडूला KKR संघातून करारमुक्त करायला हवे होते’ गंभीरने व्यक्त केलं स्पष्ट मत !
बातम्यांसाठी YouTube चॅनेल Subscribe करा
Subscribe Now
