🕒 1 min read
नागपूर: राज्यात पहिल्यांदाच जेल टुरिझम सुरू करण्यात येत आहे. गृहमंत्री अनिल देशमुख यांनी त्याची आज घोषणा केली. येत्या 26 जानेवारी रोजी मुख्यमंत्री उद्धव ठाकरे यांच्या हस्ते या जेल टुरिझमचं उद्घाटन करण्यात येणार असून पुण्यातील प्रसिद्ध येरवडा तुरुंगापासून हे जेल टुरिझम सुरू होणार असल्याचं अनिल देशमुख यांनी स्पष्ट केलं.
राज्याचे गृहमंत्री अनिल देशमुख यांनी पत्रकार परिषदेत याची माहिती दिली. राज्यात ६० तुरूंग आहे. जवळपास २४ हजार कैदी या तुरूंगात आहेत. ३ हजार कैदी तात्पुरत्या तुरूंगात आहेत. जेल पर्यटनाची सुरूवात आम्ही करत आहोत. त्याला विद्यार्थी व नागरिकांचा चांगला प्रतिसाद मिळेल, अशी अपेक्षा आहे.
२६ जानेवारीपासून याची सुरूवात केली जाणार आहे. मुख्यमंत्री उद्धव ठाकरे मुंबईतून व्हिडीओ कॉन्फरन्सिद्वारे यांचं उद्घाटन करणार आहेत. उपमुख्यमंत्री अजित पवार प्रत्यक्ष पुण्यात होणाऱ्या कार्यक्रमाला उपस्थित राहणार आहेत. आपण स्वतः गोंदियातून या कार्यक्रमाला हजर राहणार आहे, अशी माहिती देशमुख यांनी दिली.
जेल टुरिझमसाठी लहान मुलांना पाच रुपये, विद्यार्थ्यांना दहा रुपये आणि सामान्य नागरिकांना 50 रुपये शुल्क आकारण्यात येणार असल्याचंही त्यांनी सांगितलं. पहिल्या टप्प्यात येरवडा तुरुंग दाखवल्यानंतर दुसऱ्या आणि तिसऱ्या टप्प्यात इतर तुरुंगही दाखवण्यात येणार आहेत, असंही ते म्हणाले.
महत्वाच्या बातम्या
- अण्णा सावध रहा, भाजपच्या भूलथापांना बळी पडू नका!
- राज्यात आज २१ हजार ६१० कर्मचाऱ्यांना कोरोना लसीकरण पूर्ण
- महिलांनी ठरवले तर कोणत्याही लाटेत यश मिळतेच – बाळासाहेब थोरात
- राष्ट्रद्रोह करणाऱ्या अर्नब गोस्वामीला तात्काळ अटक करा- कॉंग्रेस
- ठाकरे सरकारने मराठवाडा आणि विदर्भातील शेतकऱ्यांना वेडयात काढले?
बातम्यांसाठी YouTube चॅनेल Subscribe करा
Subscribe Now
