नाशिक : शिवसेनेने भाजपला जोरदार धक्का दिला आहे. नाशिकमधील भाजपाचे वरिष्ठ नेते वसंत गीते आणि सुनील बागूल यांनी भाजपा खासदार संजय राऊत यांच्या उपस्थितीत आज शिवसेनेत प्रवेश केला.
अलीकडेच नाशिकमधील माजी आमदार बाळासाहेब सानप यांनी भाजपमध्ये प्रवेश केला होता. यामुळे झालेले डॅमेज कंट्रोल करण्याची तयारी शिवसेनेने सुरु केली आहे. या अनुषंगाने भाजपचे दोन बडे नेते वसंत गीते आणि सुनील बागुल आज शिवसेनेत प्रवेश केला आहे.
याप्रसंगी खा. राऊत म्हणाले, “नाशिक हा पुन्हा एकदा शिवसेनेचा भक्कम बालेकिल्ला बनावा याची जबाबदारी या दोन्ही नेत्यांची असणार आहे. मी उद्धव ठाकरे आणि शिवसेनेच्यावतीनं या दोघांचं शिवसेनेच्या परिवारात मनापासून स्वागत करतो. नाशिकमधील शिवसेनेच्या पदाधिकाऱ्यांनीही त्यांचं मनापासून स्वागत केलं आहे.”
शिवसेनेचा हा कुठलाही मास्टर प्लान नाही तर आता प्रवाह बदलोय, हवा बदलतेय अशा शब्दांत संजय राऊत यांनी भाजपावर निशाणा साधला. तसेच कोणत्याही परिस्थितीत नाशिकचा पुढचा महापौर शिवसेनेचाच असेल असा विश्वासही राऊत यांनी व्यक्त केला.
दरम्यान, वसंत गीते आणि सुनील बागुल हे दोघेही मूळ शिवसैनिक आहेत. वसंत गीते हे नाशिक मध्ये शिवसेनेचे पाहिले महापौर होते. मनसे स्थापन झाल्यानंतर वसंत गीते यांनी राज ठाकरे यांना साथ दिली. नंतर ते मनसेचे आमदार देखील झाले. भाजपाची सत्ता आल्यानंतर ते या पक्षात दाखल झाले होते.
दरम्यान, मनसे अध्यक्ष राज ठाकरे यांच्याशी कधीकाळी अत्यंत जवळीक असलेले आणि नाशिकला मनसेचा बालेकिल्ला बनवण्यात सिंहाचा वाटा असणारे वसंत गीते पुन्हा मनसेत यावेत यासाठीदेखील मनसेकडून प्रयत्न सुरू असल्याची चर्चा आहे. मात्र एकूणच शहरातली राजकीय परिस्थिती पाहता गीते शिवसेनेत जायचा त्यांनी निर्णय घेतला.
महत्वाच्या बातम्या
- ब्राह्मण पुजाऱ्यांच्या विवाहासाठी ‘या’ राज्यात ‘ब्राह्मण मॅरेज स्किम’
- अर्धशतकी खेळीनंतर शुभमन गिल माघारी; टीम इंडियाला सलग दुसरा धक्का
- राज्यातील राष्ट्रीय महामार्गाच्या कामातील अडचणी तातडीने दूर करा – उद्धव ठाकरे
- ठाण्यातील औद्योगिक भूखंड व्यवहार प्रकरणी फेरतपासणीचे नाना पटोले यांचे आदेश
- नोरा फतेहीला करायचे तैमूरशी लग्न, करीना म्हणाली…
बातम्यांसाठी YouTube चॅनेल Subscribe करा
Subscribe Now
