कर्डिले साहेब, राहुरी सोडा आणि श्रीगोंदेमधून निवडणूक लढा! नगर तालुक्यातील अनेक गावांतून मागणी!

🕒 1 min read

अहमदनगर/ऋषिकेश घोगरे:- नगर तालुका हा पूर्वीपासून माजी आमदार शिवाजीराव कर्डिले यांचा बालेकिल्ला समजला जातो. नगर तालुक्‍यातील अनेक गावे श्रीगोंदा विधानसभा मतदारसंघात येतात.

या गावांत कर्डिले यांचे वर्चस्व आहे. अहमदनगर जिल्हा सहकारी बॅंकेच्या माध्यमातून शेतकऱ्यांना कर्ज वाटप कार्यक्रम नुकताच आगडगाव (ता. नगर) येथे झाला. यावेळी काही ग्रामस्थांनी कर्डिले यांना थेट श्रीगोंदा मतदारसंघातून लढण्याची विनंती केली. तसेच श्रीगोंदे विधानसभा मतदारसंघात असलेल्या नगर तालुक्यातील काही गावांमध्ये अद्यापही कर्डिले यांनाच लोक आमदार मानतात.

अहमदनगर जिल्हा सहकारी बॅंकेच्या माध्यमातून शेतकऱ्यांना कर्ज वाटप कार्यक्रम नुकताच आगडगाव (ता. नगर) येथे झाला. यावेळी काही ग्रामस्थांनी कर्डिले यांना थेट श्रीगोंदा मतदारसंघातून लढण्याची गळ घातली.

श्रीगोंदे मतदारसंघातील आगडगाव व पंचक्रोशीतील काही गावे शेवटचीच आहेत. तसेच आमदार पाचपुतेही कधी इकडे फिरकत नाहीत. त्यामुळे सर्व लहान मोठ्या कामांसाठी c यांच्याच बंगल्यावर येथील ग्रामस्थ गर्दी करतात. त्यामुळेच या पंचक्रोशीतील ग्रामस्थ कर्डिले हेच आपले आमदार असल्याचे सांगतात.

मतदारसंघाची विभागणी झाल्यानंतर नगर तालुक्यातील अनेक गावे श्रीगोंदे विधानसभा मतदारसंघात गेली. कर्डिले यांचे मूळ गाव बुऱ्हाणनगर हे मात्र राहुरी विधानसभा मतदारसंघात गेले. कर्डिले यांनी राहुरी विधानसभा मतदारसंघातून निवडून लढवून ते आमदार झाले.

गेल्या निवडणुकीत त्यांना पराभव पत्कारावा लागला. परंतु नुकत्याच झालेल्या आगडगाव येथील कार्यक्रमात काही ग्रामस्थांनी कर्डिले यांना थेट याच मतदारसंघातून लढण्याची गळ घातली. आता यापुढे राहुरी मतदारसंघ सोडा, श्रीगोंद्यातून लढा. आतापर्यंत आम्ही तुमचे ऐकले. भाजपच्याच आमदाराला निवडून दिले. परंतु इथल्या प्रश्नांसाठी तुमच्याशिवाय पर्याय नाही, असे एका शेतकऱ्याने सांगितले.

महत्वाच्या बातम्या-

• मुंबई बत्ती गुल झाल्याने सर्वसामन्यांचे हाल; मुख्यमंत्र्यांनी दिले तातडीने चौकशीचे आदेश
• अभियांत्रिकी व औषधनिर्माणशास्त्र अभ्यासक्रम प्रवेशासाठी गुणांची अट शिथिल
• दिग्गज अभिनेत्रीने कॉंग्रेसला ठोकला राम-राम ; भाजपमध्ये प्रवेश करण्याची शक्यता
• देशात 60 लाख कोविड रुग्ण झाले बरे; अर्ध्याहून अधिक रुग्ण ‘या’ पाच राज्यातले
• कोरोनामुळे होणाऱ्या मृत्यूच्या संख्येत सातत्याने घसरण सुरूच; बरे होणाऱ्यांच्या संख्येत मोठी वाढ