तहसीलदार ज्योती देवरे यांच्या वाहनावर वाळूची गाडी घालण्याचा प्रयत्न!

🕒 1 min read

अहमदनगर/ऋषिकेश घोगरे:- नगर-कल्याण महामार्गावरील टाकळी ढोकेश्वर येथे काल सायंकाळी पारनेरच्या तहसिलदार ज्योती देवरे यांच्या वाहनावर भरलेली वाळुची गाडी घालण्याचा प्रयत्न झाला आहे. तहसिलदार ज्योती देवरे गुरुवारी सायंकाळी कर्जुले हर्या येथील कोविड सेंटरला भेट देऊन नगर-कल्याण महामार्गावरून टाकळी ढोकेश्वर येथुन पारनेरकडे निघाल्या होत्या. त्यावेळी ही घटना घडली.

टाकळी ढोकेश्वर गावातील त्रिमूर्ती पेट्रोल पंपावर मोठ्या ट्रकमधुन खाली पाणी पडताना दिसले. यात निश्चित वाळु असल्याची खात्री देवरे यांना झाली. देवरे यांनी चालकास आपले वाहन त्या दिशेने घेण्यास सांगितले असता वाळुवरील वाहन चालकाने वाळुचा भरलेला हायवा देवरे यांच्या गाडीवर घालण्याचा प्रयत्न करून आपले वाहन नगर-कल्याण महामार्गावरून वासुंदे गावाच्या दिशेने मोठ्या जलद गतीने नेण्यास सुरवात केली. देवरे यांनीही त्याच दिशेने आपले वाहन नेत त्या वाळु भरलेल्या वाहनाचा पाठलाग केला.

एका ‘बबड्याच्या’ हट्टापायी राज्यातील विद्यार्थ्यांना नाहक मानसिक त्रास दिला; शेलरांचा आदित्य ठाकरेंवर अप्रत्यक्ष निशाणा

वाळु भरलेल्या वाहनाचा वेग इतका होता की, पुढून एखादे वाहन आले असते तर मोठा अपघात देखील होण्याची शक्यता होती. वाळुचालक वाहन जलद गतीने ढोकेश्वर रोडकडे घेऊन जाण्यास यशस्वी झाला. मात्र गाडीचा नंबर घेतल्याने मालक व चालकाचा तपास घेण्यात येत असुन त्यानुसार गुन्हा दाखल करण्यात येणार आहे.

उपमुख्यमंत्री अजित पवार आणि देवेंद्र फडणवीस एकाच मंचावर ; अजित पवारांनी मारला टोला