मौलाना आझाद अल्पसंख्याक आर्थिक विकास महामंडळासाठी ७५ कोटी-नवाब मलिक

मुंबई : अल्पसंख्याक समाजातील सुशिक्षित बेरोजगारांना कर्ज उपलब्ध करुन देण्यासाठी तसेच शैक्षणिक कर्जासाठी मौलाना आझाद अल्पसंख्याक आर्थिक विकास महामंडळाची स्थापना करण्यात आली होती. या महामंडळाच्या माध्यमातून अनेक बचत गटाच्या महिलांनाही कर्ज उपलब्ध करुन देण्यात येत आहे. त्यासाठी राज्य सरकाने ७५ कोटी रुपयांचे वाढीव भागभांडवल देण्यास मान्यत दिली असल्याची माहिती अल्पसंख्याक मंत्री नवाब मलिक यांनी दिली.

या संदर्भात नवाब मलिक यांनी सोशल मीडियाच्या माध्यमातून राज्य सरकारच्या निर्णयाची माहिती दिली आहे. ते म्हणाले की, मौलाना आझाद अल्पसंख्याक आर्थिक विकास महामंडळासाठी ७५ कोटी रुपयांचे वाढीव भागभांडवल देण्यास मान्यता मिळाली आहे. यामधून अधिकाधिक विद्यार्थ्यांना शैक्षणिक कर्ज देण्यासह अल्पसंख्याकबहुल महिला बचतगटांनाही व्यवसायासाठी कर्ज मिळणार आहे.’

मौलाना आझाद अल्पसंख्याक महामंडळाच्या संदर्भात घेण्यात आलेल्या या निर्णयामुळे महामंडळाचे एकूण भागभांडवल ७०० कोटी रुपयांवर पोहोचले असल्याची माहिती देखील मलिक यांनी दिली आहे. त्यामुळे विद्यार्थ्यांना शेक्षणिक कर्ज आणि महिला बचत गटांना व्यवसायासाठी कर्ज उपलब्ध होणार असल्याचे त्यांनी सांगितले.

महत्त्वाच्या बातम्या

• ‘मोदी सरकारने देशच उध्वस्त करायचा ठरवलं असेल तर काय करणार?’ ; पटोलेंचा टोला
• ‘५५ आमदारात मुख्यमंत्री झाला, ५० नगरसेवकांमध्ये पिंपरी-चिंचवडचा महापौर का होणार नाही?’
• ‘इंजिनचा प्रॉब्लेम हा काँग्रेस पक्षाला, केंद्रातही आणि राज्यातही’ ; फडणवीसांचा टोला
• ‘मला, भागवत कराडांना गोपीनाथ मुंडेंनीच घडवले’, देवेंद्र फडणवीसांचे वक्तव्य
• बाचाबाची झाली पण भाजपच्या एकाही नेत्याने शिवीगाळ केलेली नाही – फडणवीस