बळीराजाच्या हक्कासाठी लातूर जिल्ह्यात ७२ तासांचे अन्नत्याग आंदोलन

🕒 1 min read

लातूर : मराठवाड्यात शेतकऱ्यांचे प्रचंड नुकसान झाले आहे. त्यामुळे शेतकऱ्यांना आर्थिक मदत देण्याची मागणी करण्यात येत आहे. असे असतांना राज्य सरकारच्या वतीने अद्याप कोणत्याही स्वरुपाची मदत जाहीर करण्यात आलेली नाही. त्यामुळे शेतकऱ्यांना नुकसान भरपाई मिळावी या मागणीसाठी आमदार संभाजी पाटील निलंगेकर यांनी ‘७२ तास अन्नत्याग आंदोलन’ करण्याची घोषणा केली आहे. उद्या सोमवारी ११ ऑक्टोंबर पासून या आंदोलनाला सुरूवात होणार आहे.

या संदर्भात आमदार संभाजी पाटील यांनी दिलेल्या माहितीनुसार ‘७२ तास, ७२ शेतकरी’ नुकसान भरपाई मिळावी या मागणीसाठी अन्नत्याग करणार आहेत. आंदोलनाच्या पहिल्या दिवशी म्हणजेच ११ ऑक्टोबर रोजी लातूर शहर व लातूर विधानसभा मतदारसंघातील कार्यकर्ते, पदाधिकारी व नागरिक यात सहभागी होतील. १२ ऑक्टोबर रोजी उदगीर व अहमदपूर विधानसभा मतदारसंघातील तर १३ ऑक्टोबर रोजी औसा व निलंगा विधानसभा मतदारसंघातील कार्यकर्ते, पदाधिकारी व नागरिक यात सहभागी असतील.

'७२ तास अन्नत्याग आंदोलन' तयारीच्या अनुषंगाने सामाजिक संघटना व गणेश मंडळांची बैठक संपन्न झाली.

सामाजिक संघटना या संकटाच्या काळात मदतीला धावून येतात. कोरोनाच्या काळात त्यांनी केलेलं कार्य कौतुकास्पद आहे. आता संकट हे बळीराजा वर आलेले आहे. (१/४) pic.twitter.com/GrZP3QFBPi

— Sambhaji Patil Nilangekar (Modi Ka Parivar) (@sambhajipatil77) October 10, 2021

सर्व शेतकरी बांधवांना पाठिंबा दर्शविण्यासाठी तसेच झोपलेल्या महाविकास आघाडी सरकारला जागे करण्यासाठी अधिकाधिक पदाधिकारी, कार्यकर्ते व नागरिकांनी या आंदोलनात सहभागी व्हावे. ‘अन्नत्याग आंदोलन’ लातूर शहरातील शिवाजी चौकात होत असल्याने शहरातील पदाधिकाऱ्यांनी यात अधिक जबाबदारीने सामील व्हावे. ग्रामीण अर्थव्यवस्थेचे चक्र सुरळीत असेल तरच शहरी अर्थव्यवस्था मजबूत होते, हा अर्थव्यवस्थेचा नियम आहे. त्यामुळे आंदोलनाला पाठिंबा देण्याचे आवाहन आमदार निलंगेकर यांनी केले आहे.

महत्त्वाच्या बातम्या

• खेळाडूंसाठी ठाकरे सरकारचा महत्वाचा निर्णय; शासन सेवेत 5 टक्के कोटा राखीव
• ‘शरद पवार आजही कारखानदारांचेच, आम्ही त्यांचे गुलाम नाही’
• ‘अजित पवार आणि त्यांच्या निकटवर्तीयांची बुधवारी आणखी एक पोलखोल करणार’
• ‘योगी आदित्यनाथ यांना लाज वाटली पाहिजे’, ओवैसींचा हल्लाबोल
• ‘नातेवाईकांचीही चौकशी, त्यांना त्रास देणे हे बरोबर नाही’, गृहमंत्री वळसे पाटलांची प्रतिक्रिया