टीम महाराष्ट्र देशा : लोकसभा निवडणूकीनंतर आता सर्वत्र विधानसभा निवडणुकीचे वारे वाहू लागले आहे. सर्वच पक्षांनी पक्षबांधणी, राजकीय दौरे, भेटीगाठी यांसारख्या राजकीय घडामोडींना उधाण आले आहे. अशातच लक्ष्मण माने यांनी आघाडीबाबत मोठ विधान केले आहे.
महाराष्ट्र बहुजन वंचित आघाडीचे राष्ट्रीय अध्यक्ष लक्ष्मण माने यांनी ‘वंचित आघाडी, काँग्रेस आघाडीने जागा वाटपा संदर्भात सन्मानपूर्वक बोलणी केली नाही तर महाराष्ट्र बहुजन वंचित आघाडी स्वतंत्रपणे निर्णय घेणार आहे, अस विधान केले आहे. तसेच माने यांनी राज्यातील २८८ विधानसभा लढविण्याएवढी आमची शक्ती नाही. त्यामुळे ज्या ठिकाणी निवडून येऊ अशाच जागा आम्ही लढवणार आहोत असाही लक्ष्मण माने यांनी स्पष्ट केले.
पुढे बोलताना माने यांनी ‘पाच ऑगस्टपासून महाराष्ट्र बहुजन वंचित आघाडी आणि इतर दोन पक्षातील इच्छुकांचे अर्ज मागवण्यात येणार आहेत .त्यानंतर उमेदवारांच्या मुलाखती घेतल्या जातील. नऊ तारखेनंतर उमेदवारांची यादी प्रसिद्ध केली जाईल. ज्या ठिकाणी आमची ताकद आहे, अशा ठिकाणांवर आम्ही निवडणूक लढवणार आहोत अस विधान केले.
दरम्यान, लक्ष्मण माने हे आधी वंचित बहुजन आघाडीत होते. परंतु तेथे त्यांचे पक्षातील नेत्यांशी मतभेद झाले. यावेळी त्यांनी पक्षातील इतर नेत्यांवर गंभीर आरोप केले होते. त्यानंतर त्यांनी महाराष्ट्र बहुजन वंचित आघाडी या पक्षाची स्थापना केली आहे.
विधानसभा निवडणुकीसाठी कॉंग्रेसला ४० जागा देण्याची तयारी-आंबेडकर
जय महाराष्ट्र म्हणण्यासाठी मला दोन दिवस सराव करावा लागला : सचिन अहिर
